गौळकार परिवाराचा सामाजिक उपक्रम
हिंगणघाट प्रतिनिधी : हिंगणघाट येथील गौळकार परिवाराने आपल्या दिवंगत वडिलांचा वाढदिवस अनाथ बेघर निवारा केंद्रात साजरा करत सामाजिक बांधिलकी जपली.
स्थानिक अब्दुल्ला नगर येथील रहिवासी प्रभाकर गौळकार यांचा वाढदिवस १ जुलै रोजी साजरा करण्याचे नियोजन करण्यात आले होते. मात्र वाढदिवसाच्या एक महिना आधी त्यांचे निधन झाले. त्यानंतर त्यांच्या स्मरणार्थ मुलांनी हा वाढदिवस वेगळ्या पद्धतीने साजरा करण्याचा निर्णय घेतला.
त्यांचे पुत्र नरेंद्र प्रभाकर गौळकार, सचिन प्रभाकर गौळकार (मुंबई) तसेच कन्या चंदा खापणे (मुंबई) यांनी हिंगणघाट येथील अनाथ बेघर निवारा केंद्रात जाऊन तेथील वृद्ध आजी-आजोबांना भोजनदान केले.
यावेळी उपस्थितांनी आश्रमातील वृद्धांशी संवाद साधत दिवंगत प्रभाकर गौळकार यांना श्रद्धांजली अर्पण केली. सामाजिक भान जपत साजरा करण्यात आलेल्या या उपक्रमाचे सर्व स्तरांतून कौतुक होत आहे.
या प्रसंगी शरदभाऊ गौळकार, सतीश गौळकार, नरेंद्र गौळकार, मनीषा गौळकार, अमित गौळकार तसेच नगरसेवक Dinesh Verma यांच्यासह मान्यवर उपस्थित होते.
