सोलापूर प्रतिनिधी
पंढरपूर येथे दिनांक ४ जुलै रोजी पोलीस पाटील संघटनेच्या वतीने उपमुख्यमंत्री सुनेत्रा अजित पवार यांची भेट घेण्यात आली. या भेटीदरम्यान संघटनेच्या विविध प्रलंबित व न्याय मागण्यांबाबत सविस्तर चर्चा करण्यात आली.
पोलीस पाटीलांच्या समस्या आणि प्रलंबित मागण्यांसंदर्भातील निवेदन यावेळी उपमुख्यमंत्री सुनेत्रा अजित पवार यांना सादर करण्यात आले. संघटनेच्या मागण्यांवर सकारात्मक भूमिका घेत कायमस्वरूपी तोडगा काढण्यासाठी लवकरच विशेष बैठक आयोजित करण्याचे आश्वासन त्यांनी दिले.
यावेळी पोलीस पाटील संघटनेचे राज्य प्रसिद्धी प्रमुख तैफिक शेख तसेच सोलापूर जिल्हाध्यक्ष नानासाहेब शिंदे प्रामुख्याने उपस्थित होते. संघटनेच्या पदाधिकाऱ्यांनी या भेटीबद्दल समाधान व्यक्त करत शासनाकडून लवकरच ठोस निर्णय होईल, अशी अपेक्षा व्यक्त केली.
