प्रतिनिधी :
पाथरी : शिवसेनेच्या संघटनात्मक बांधणीला अधिक बळ देण्याच्या उद्देशाने परभणी जिल्ह्यात ओबीसी आघाडीच्या पदाधिकाऱ्यांच्या नियुक्त्या करण्यात येत आहेत. त्याच अनुषंगाने पाथरी तालुक्यातील देवनांदा येथील सौ. कमलताई बळीराम राठोड यांची “शिवसेना ओबीसी जिल्हाप्रमुख, परभणी” या महत्त्वाच्या पदावर नियुक्ती करण्यात आली आहे.
ही नियुक्ती शिवसेना जिल्हाप्रमुख आमदार सईद खान यांच्या हस्ते करण्यात आली. दिनांक ५ जुलै रोजी देण्यात आलेल्या नियुक्तीपत्रात वंदनीय हिंदुहृदयसम्राट बाळासाहेब ठाकरे यांच्या आशीर्वादाने, धर्मवीर आनंद दिघे यांच्या शिकवणुकीनुसार तसेच पक्षप्रमुख व राज्याचे उपमुख्यमंत्री तथा नगरविकास मंत्री ना. एकनाथ शिंदे आणि खासदार डॉ. श्रीकांत शिंदे यांच्या मार्गदर्शनाखाली ही नियुक्ती करण्यात आल्याचे नमूद करण्यात आले आहे.
नियुक्तीप्रसंगी आमदार सईद खान यांनी कमलताई राठोड यांना शुभेच्छा देत पक्ष संघटना मजबूत करण्यासाठी सर्वांना सोबत घेऊन काम करण्याचे आवाहन केले. तसेच शिवसेनेची ध्येयधोरणे गावागावात पोहोचवून ओबीसी समाजाच्या प्रश्नांसाठी प्रभावीपणे कार्य करावे, असेही त्यांनी सांगितले.
देवनांदा येथील रहिवासी असलेल्या कमलताई राठोड या सामाजिक कार्यात सक्रिय असून त्यांच्या नियुक्तीमुळे पाथरी तालुक्यासह परिसरातील महिला व ओबीसी कार्यकर्त्यांमध्ये उत्साहाचे वातावरण निर्माण झाले आहे.
नियुक्तीनंतर कमलताई राठोड यांनी पक्षश्रेष्ठींचे आभार मानत शिवसेना पक्ष अधिक बळकट करण्यासाठी प्रामाणिकपणे कार्य करण्याची ग्वाही दिली.
यावेळी उपनगराध्यक्ष अलोक चौधरी, नगरसेवक गोविंद हारकाळ, नाईक, चाऊस, लालू खान, सुनंदाताई फलके, मिरा इगवे, वंदना जोंधळे आदी शिवसेना पदाधिकारी व कार्यकर्ते उपस्थित होते.
