परभणी | प्रतिनिधी
पत्रकारांच्या न्याय्य हक्कांसाठी आणि कल्याणासाठी कार्यरत असलेल्या देशव्यापी ‘व्हॉइस ऑफ मीडिया’ संघटनेच्या पालम तालुका कार्यकारिणीची अधिकृत घोषणा नुकतीच करण्यात आली. यामध्ये सर्वानुमते गुणवंत सराफ यांची तालुकाध्यक्षपदी, तर चांद तांबोळी यांची उपाध्यक्षपदी निवड करण्यात आली. पालम येथील हॉटेल शुक्लेश्वर येथे आयोजित विशेष बैठकीत ही निवड प्रक्रिया पार पडली.
कार्यक्रमाच्या प्रारंभी मराठी पत्रकारितेचे जनक आद्य पत्रकार बाळशास्त्री जांभेकर यांच्या प्रतिमेला पुष्पहार अर्पण करून अभिवादन करण्यात आले. त्यानंतर ‘व्हॉइस ऑफ मीडिया’चे परभणी जिल्हाध्यक्ष कैलास चव्हाण आणि ग्रामीण जिल्हाध्यक्ष काळे यांच्या प्रमुख उपस्थितीत व मार्गदर्शनाखाली पालम तालुक्याची नवीन कार्यकारिणी जाहीर करण्यात आली.
यावेळी पत्रकारांचे संघटन अधिक मजबूत करण्यासाठी आणि त्यांच्या विविध प्रश्नांच्या सोडवणुकीसाठी सर्वांनी एकजुटीने कार्य करण्याचे आवाहन मान्यवरांनी केले.
पालम तालुका कार्यकारिणी
- तालुकाध्यक्ष: गुणवंत सराफ (दै. सामना)
- उपाध्यक्ष: चांद तांबोळी (दै. एकजूट)
- कार्याध्यक्ष: सुनील नाव्हळकर
- सचिव: बालासाहेब फुलपगार (दै. अक्षराज)
- कोषाध्यक्ष: केरबाजी बढेराव (दै. लोकमत)
- संघटक: अंकुश वाघमारे (दै. पुण्यनगरी)
- प्रसिद्धी प्रमुख: प्रा. विनोद कांबळे
- सल्लागार: अंबादास ठाकूर
- कार्यवाहक: गोविंद खेळेवाड (दै. देशोन्नती)
- सदस्य: शेषराव सोपणे, रावसाहेब वावळे, गणेश काकडे
- मार्गदर्शक: रुक्माजी गिलगिरे (दै. लोकमत), संग्राम खेडकर, लक्ष्मण दुधाटे, मोतीराम शिंदे
नवनिर्वाचित सर्व पदाधिकाऱ्यांना जिल्हाध्यक्ष कैलास चव्हाण आणि ग्रामीण जिल्हाध्यक्ष काळे यांच्या हस्ते नियुक्तीपत्रांचे वितरण करण्यात आले. यानंतर तालुक्यातील राजकीय, सामाजिक क्षेत्रातील मान्यवर तसेच पत्रकार बांधवांनी नवनिर्वाचित कार्यकारिणीचे अभिनंदन करून पुढील वाटचालीस शुभेच्छा दिल्या.
