माळाकोळी : प्रतिनिधी
माळाकोळी येथील युवा उद्योजक तसेच पत्रकार आणि OSJ कमिटीचे मालक ओमकार जाधव यांच्या वाढदिवसानिमित्त सामाजिक उपक्रमाचे आयोजन करण्यात आले. या उपक्रमात टायगर ग्रुप मित्र मंडळ व OSJ कमिटीच्या सदस्यांनी सहभाग घेत विद्यार्थ्यांना शैक्षणिक साहित्याचे वाटप केले.
माळाकोळी येथील जि. प. प्राथमिक कन्या शाळा, मातोश्री आश्रम शाळा आणि जिल्हा परिषद प्राथमिक शाळा येथे विद्यार्थ्यांना त्यांच्या शैक्षणिक उपयोगाचे विविध साहित्य वितरित करण्यात आले. यामध्ये पाण्याच्या बाटल्या, कंपास, ड्रॉइंग वह्या, कलर बॉक्स, वह्या, पेन आणि पुस्तके यांचा समावेश होता.
या उपक्रमात संबंधित शाळांमधील शिक्षक, टायगर ग्रुप माळाकोळी, OSJ कमिटीचे सदस्य तसेच ओमकार जाधव यांचा मित्रपरिवार सहभागी झाला. विद्यार्थ्यांना शैक्षणिक साहित्य मिळाल्याने त्यांच्यात उत्साहाचे वातावरण निर्माण झाले.
यावेळी उपस्थितांनी ओमकार जाधव यांना वाढदिवसाच्या शुभेच्छा देत त्यांच्या सामाजिक व व्यावसायिक क्षेत्रातील पुढील वाटचालीसाठी शुभेच्छा व्यक्त केल्या. वाढदिवसानिमित्त विद्यार्थ्यांच्या शैक्षणिक गरजा लक्षात घेऊन राबविण्यात आलेल्या या उपक्रमाचे उपस्थितांकडून कौतुक करण्यात आले.
