कवठे महांकाळ तालुका प्रतिनिधी:
तासगाव – कवठे महांकाळ मतदारसंघाचे आमदार मा. रोहित दादा पाटील यांच्या सातत्यपूर्ण प्रयत्नामुळे तासगाव आणि कवठे महांकाळ आगाराला 10 नवीन बसेस मंजूर झाल्या आहेत.
यापूर्वी 2023 पासून माजी आमदार सुमनताई पाटील आणि आमदार रोहित दादा पाटील यांच्या संयुक्त प्रयत्नातून तासगाव व कवठे महांकाळ आगारासाठी 40 बसेस उपलब्ध करून देण्यात आल्या होत्या.
आता नव्याने मिळालेल्या 10 बसेसमुळे एकूण संख्या 50 वर पोहोचली आहे..
ग्रामीण भागातील विद्यार्थी, नोकरदार आणि सर्वसामान्य प्रवाशांना दळणवळणासाठी याचा मोठा फायदा होणार आहे. सकाळ-संध्याकाळच्या वेळी होणारी गर्दी कमी होऊन वेळेत बस उपलब्ध होणार आहे.
आमदार रोहित दादा पाटील यांनी सांगितले की, “जनतेच्या सोयीसाठी आणि चांगल्या प्रवासासाठी एसटीच्या सुविधा वाढवणे हे आमचे प्राधान्य आहे. यापुढेही आगाराच्या विकासासाठी प्रयत्न सुरू राहतील.”
नवीन बसेस लवकरच मार्गावर दाखल होणार असून प्रवाशांकडून याचे स्वागत केले जात आहे.
