गेवराई, (वा.) तालुक्यातील सिंदखेड ग्रामपंचायतीअंतर्गत शासनाच्या विविध योजनांमधून प्राप्त झालेल्या निधीतून करण्यात आलेल्या विकासकामांची सखोल चौकशी व प्रत्यक्ष पाहणी करण्यात यावी, अशी मागणी ग्रामस्थ किशोर अशोक ठोसर यांनी केली आहे. चौकशी पूर्ण होईपर्यंत संबंधित ग्रामसेवकाची बदली करण्यात येऊ नये, अशी मागणी त्यांनी विभागीय आयुक्त, जिल्हाधिकारी, मुख्य कार्यकारी अधिकारी तसेच गेवराईचे गटविकास अधिकारी यांच्याकडे निवेदनाद्वारे केली आहे. ३ जून २०२६ रोजी दिलेल्या निवेदनात नमूद करण्यात आले आहे की, सिंदखेड ग्रामपंचायतीला शासनाच्या विविध योजनांतर्गत विकासकामांसाठी निधी प्राप्त झाला आहे. या निधीतून करण्यात आलेल्या
प्रत्येक कामाची प्रत्यक्ष पाहणी, कागदपत्रांची तपासणी आणि चौकशी होणे आवश्यक आहे. मात्र, संबंधित विकासकामांबाबत समाधानकारक माहिती उपलब्ध होत नसल्याचा आरोप निवेदनात करण्यात आला आहे. गावातील पांदण रस्ता, १५ वा वित्त आयोग तसेच इतर योजनांमधून प्राप्त
किशोर ठोसर यांचे वरिष्ठ अधिकाऱ्यांना निवेदन
अर्जदाराने माहितीच्या अधिकारांतर्गत संबंधित कार्यालयाकडे अर्ज करून गावातील पांदण रस्त्यासह इतर विकासकामांसाठी महाराष्ट्र शासन व केंद्र शासनाकडून प्राप्त झालेल्या निधीच्या खर्चाची माहिती मागितल्याचे निवेदनात नमूद आहे. तसेच ग्रामपंचायतीच्या दप्तरी असलेली संबंधित कागदपत्रे आणि खर्चाशी संबंधित नोंदी उपलब्ध करून देण्याची मागणी करण्यात आली होती. मात्र, मागणी करूनही आवश्यक कागदपत्रे उपलब्ध करून देण्यात आली नसल्याचा आरोप करण्यात आला आहे.
निधीतून विविध विकासकामे करण्यात आल्याचे नमूद करण्यात आले आहे.
या कामांसाठी किती निधी प्राप्त झाला, त्यापैकी किती खर्च करण्यात आला, कोणती कामे प्रत्यक्षात झाली आणि त्यांची गुणवत्ता कशी आहे, याची चौकशी करण्याची मागणी करण्यात आली
आहे. निवेदनानुसार, अर्जदाराने संबंधित ग्रामसेवक तसेच ग्रामस्थांकडून अनेकदा माहिती घेण्याचा प्रयत्न केला. मात्र, विकासकामांबाबत ग्रामसेवकांकडून लेखी अथवा तोंडी समाधानकारक माहिती मिळाली नसल्याचा आरोप करण्यात आला आहे.
