नागरी सुविधा योजनेतून रस्त्याच्या कामाला मंजुरी; ग्रामस्थांमध्ये समाधान
राहुल चव्हाण,
बारामती प्रतिनिधी
बारामती, दि. १३ : निरावागज-डोर्लेवाडी जिल्हा परिषद गटातील डोर्लेवाडी येथे जिल्हा परिषद पुणे यांच्या माध्यमातून नागरी सुविधा योजनेअंतर्गत नव्याने मंजूर झालेल्या काँक्रीट रस्त्याच्या कामाचा भूमिपूजन समारंभ गुरुवारी (दि. १३) उत्साहात पार पडला.
बबन हिंगे घर ते संजय मोरे घर मार्गे तुकाराम महाराज मंदिराकडे जाणाऱ्या काँक्रीट रस्त्याचे काम मंजूर झाल्याने परिसरातील नागरिकांची अनेक दिवसांची मागणी पूर्ण होणार आहे. या रस्त्यामुळे ग्रामस्थांची ये-जा अधिक सुलभ होण्याबरोबरच पावसाळ्यातील वाहतुकीच्या अडचणी कमी होण्यास मदत होणार आहे. रस्त्याचे काम दर्जेदार पद्धतीने पूर्ण होऊन नागरिकांना चांगली सुविधा उपलब्ध होईल, अशी अपेक्षा यावेळी व्यक्त करण्यात आली.
भूमिपूजन कार्यक्रमास भूषणजी टकले, डोर्लेवाडीच्या सरपंच सुप्रियाताई नाळे, उपसरपंच राहुल भोपळे, भगवानराव क्षीरसागर, बापूराव गवळी, भिमराव मदने, मनोज नाळे, यशोदिप नाळे, सोमनाथजी भिले, माने भाऊसाहेब, सुमित्राताई वामन, विद्याताई काळकुटे, संदीप कुदळे, बनसोडे मॅडम, मंगेश मासाळ, अंकुश निकम यांच्यासह डोर्लेवाडी ग्रामपंचायतीचे सर्व सदस्य, आजी-माजी पदाधिकारी, ग्रामस्थ व युवा कार्यकर्ते मोठ्या संख्येने उपस्थित होते.
या रस्त्याच्या कामामुळे गावातील पायाभूत सुविधांना चालना मिळणार असून, गावाच्या विकासकामांना प्राधान्य देत नागरिकांना आवश्यक त्या सुविधा उपलब्ध करून देण्यासाठी प्रयत्न सुरू राहतील, असा विश्वास उपस्थित मान्यवरांनी व्यक्त केला.
भूमिपूजन कार्यक्रमास ग्रामस्थांचा उत्स्फूर्त प्रतिसाद लाभला.
