माढेली येथे जागतिक आदिवासी दिनानिमित्त डीजेच्या गजरात भव्य मिरवणूक

माढेली (ता. वरोरा) :
आज दिनांक 9/8/2026 ला जागतिक आदिवासी दिनानिमित्त माढेली गावात उत्साहपूर्ण वातावरणात भव्य मिरवणूक काढण्यात आली. सकाळपासूनच आदिवासी समाजातील युवक, महिला, ज्येष्ठ नागरिक व लहान मुले मोठ्या संख्येने सहभागी झाले होते.
ढोल-ताशा व डीजेच्या गजरात पारंपरिक नृत्य सादर करत गावातील प्रमुख मार्गांवरून मिरवणूक काढण्यात आली. सहभागी नागरिकांनी आदिवासी संस्कृती, परंपरा आणि एकतेचा संदेश देत जल्लोषात सहभाग नोंदविला. अनेकांनी पारंपरिक वेशभूषा परिधान करून मिरवणुकीचे आकर्षण वाढविले.
गावकऱ्यांनी मिरवणुकीचे विविध ठिकाणी स्वागत केले. शिस्तबद्ध आणि उत्साहपूर्ण वातावरणात पार पडलेल्या या मिरवणुकीमुळे संपूर्ण गावात आनंदाचे वातावरण निर्माण झाले. कार्यक्रमाच्या यशस्वी आयोजनासाठी आयोजकांनी सर्व सहभागी नागरिकांचे आभार मानले.