बीड प्रतिनिधी : बीड तहसील कार्यालयामध्ये संजय गांधी विभागामार्फत दिली जाणारी पेन्शन योजना, त्यामध्ये अपंग, निराधार, विधवा अश्या वेगवेगळ्या घटकाना पेन्शन दिली जाते. परंतु काही महिन्यापासून अपंगाच्या पेन्शन देण्यामध्ये विलंब होत आहे. अधिक विचारणा केली असता. तेथील कर्मचारी व अधिकारी सर्व्हर प्रॉब्लेम आहे. असे उत्तर देतात. त्यामळे समाधान होत नाही. पेठ बीड येथील रहिवाशी असलेले अपंग लाभार्थी निलेश रंगानाथ मुळे हे 90 टक्के अपंग असून त्यांची 2महिन्याची पेन्शन मिळाली नाही. अधिकाऱ्याला त्यांनी चौकशी केली असता 20 लोकांना पेन्शन मिळाली नाही. बाकी सर्वांना मिळाली. असे सांगण्यात आले व मागील 2महिन्याची पेन्शन सोडून द्या असे सांगण्यात आले. अश्या उत्तरमुळे निलेश मुळे हे आक्रमक झाले असून त्यांनी मागील 2महिन्याची पेन्शन नाही मिळाली तर पेट्रोल अंगावर घेऊन आत्मदहन करण्याचा इशारा दिला आहे.
