शिवडाव, ता. भुदरगड, जि. कोल्हापूर : प्रतिनिधी
विद्यामंदिर शिवडाव येथे १५ ऑगस्ट स्वातंत्र्यदिनाचा कार्यक्रम उत्साहपूर्ण वातावरणात साजरा करण्यात आला. ध्वजारोहणाचा कार्यक्रम श्री. प्रकाश सावंत यांच्या हस्ते करण्यात आला. त्यांनी उपस्थित राहून कार्यक्रमाची शोभा वाढवली.
यावेळी शाळेतील विद्यार्थ्यांनी देशभक्तीपर भाषणे सादर करून उपस्थितांमध्ये देशप्रेमाची भावना जागृत केली. कार्यक्रमानंतर विविध सामाजिक उपक्रमांतून विद्यार्थ्यांना शैक्षणिक साहित्य व खाऊचे वाटप करण्यात आले.
श्री. बी. डी. पाटील फाउंडेशनच्या वतीने वह्यांचे वाटप, ग्रामपंचायत शिवडावच्या वतीने विद्यार्थ्यांना जिलेबी वाटप, तर श्री. निशिगंध नाईक यांच्या वतीने खाऊचे वाटप करण्यात आले. तसेच श्री. गणेश वांजोळे यांनी विद्यार्थ्यांना वही व पेनचे वाटप केले.
स्वातंत्र्यदिनाच्या कार्यक्रमास गावातील प्रतिष्ठित नागरिक, तरुण वर्ग, शाळा व्यवस्थापन समितीचे सदस्य आणि पालक मोठ्या संख्येने उपस्थित होते. विद्यार्थ्यांचा उत्साह आणि ग्रामस्थांचा सहभाग यामुळे कार्यक्रमाला विशेष रंगत आली.
कार्यक्रम यशस्वी करण्यासाठी सहकार्य करणाऱ्या सर्व नागरिक, पालक, शिक्षक व शाळा व्यवस्थापन समितीचे आभार मानण्यात आले.
