एरंडोल नगरपरिषदेच्या अधिकारी व कर्मचाऱ्यांच्या आरोग्याची काळजी घेत त्यांच्या नेत्र आरोग्याची तपासणी व्हावी, या उद्देशाने आज दि. १५ ऑगस्ट २०२६ रोजी श्री अश्विनीकुमार नेत्रालय, एरंडोल यांच्या वतीने विशेष मोफत नेत्र तपासणी शिबिराचे आयोजन करण्यात आले.
या शिबिरास अध्यक्षस्थानी उपस्थित राहण्याचा मान मिळाला. नगरपरिषदेच्या दैनंदिन प्रशासकीय कामकाजात महत्त्वाची भूमिका बजावणारे अधिकारी व कर्मचारी सातत्याने नागरिकांच्या सेवेसाठी कार्यरत असतात. त्यांच्या आरोग्याची काळजी घेण्याच्या दृष्टिकोनातून आयोजित करण्यात आलेला हा उपक्रम निश्चितच कौतुकास्पद आहे.
शिबिरामध्ये नगरपरिषदेच्या अधिकारी व कर्मचाऱ्यांची मोफत नेत्र तपासणी, दृष्टी परीक्षण तसेच आवश्यक वैद्यकीय मार्गदर्शन करण्यात आले. कामाच्या व्यापामुळे स्वतःच्या आरोग्याकडे दुर्लक्ष होऊ नये, यासाठी अशा आरोग्यविषयक उपक्रमांचे आयोजन आवश्यक आहे.
श्री अश्विनीकुमार नेत्रालय, एरंडोल यांनी पुढाकार घेत नगरपरिषदेच्या अधिकारी व कर्मचाऱ्यांसाठी हा उपयुक्त उपक्रम आयोजित केल्याबद्दल त्यांचे मनःपूर्वक अभिनंदन व आभार.
यावेळी प्रमुख पाहुणे डॉ. राजेश पाटील (DG 3030 विश्वभ्रम हॉस्पिटल, जळगाव) तसेच युवासेनेचे जिल्हाप्रमुख, गटनेते तथा नगरसेवक प्रा.मनोजभाऊ पाटील, एरंडोल नगरपरिषदेचे नगराध्यक्ष डॉ.नरेंद्रजी ठाकूर, नगरपरिषदेचे मुख्याधिकारी अमोल बागुल, उपनगराध्यक्ष कृष्णा ओतारी, नगरसेवक रविंद्र महाजन यांचेसह नगरपरिषदेचे अधिकारी व कर्मचारी उपस्थित होते.
नागरिकांची सेवा करणाऱ्या कर्मचाऱ्यांच्या आरोग्याचीही तितकीच काळजी — हीच निरोगी व सक्षम प्रशासनाची खरी ताकद!.
