कर्जत | प्रतिनिधी — सारथी महाराष्ट्राचा न्यूज,
केंद्रीय राखीव पोलीस दलाच्या (CRPF) 1 सिग्नल बटालियन, झारोदा कलान येथे कार्यरत असलेले कॉन्स्टेबल/जीडी रामदास मधुकर सवार यांना कर्तव्याप्रती दाखविलेल्या प्रामाणिकपणा, निष्ठा आणि समर्पणाबद्दल Commendation Certificate (प्रशस्तिपत्र) देऊन गौरविण्यात आले आहे.
15 ऑगस्ट 2026 रोजी प्रदान करण्यात आलेल्या या प्रशस्तिपत्रात रामदास सवार यांनी त्यांच्यावर सोपविण्यात आलेली अधिकृत कर्तव्ये अत्यंत प्रामाणिकपणे, निष्ठेने आणि समर्पित भावनेने पार पाडल्याबद्दल त्यांच्या कार्याचे कौतुक करण्यात आले आहे. संबंधित कमांडंट यांच्या स्वाक्षरीने त्यांना हे प्रशस्तिपत्र प्रदान करण्यात आले.
रामदास मधुकर सवार (CRPF क्रमांक CT/GD 145215005) हे 1 सिग्नल बटालियनमध्ये देशसेवेचे कर्तव्य बजावत आहेत. त्यांच्या उल्लेखनीय कर्तव्यनिष्ठेची वरिष्ठ अधिकाऱ्यांनी घेतलेली दखल ही त्यांच्या सेवाभावासाठी अभिमानाची बाब मानली जात आहे.
या सन्मानामुळे कर्जत परिसरातील सवार कुटुंबीय, मित्रपरिवार आणि नागरिकांकडून रामदास सवार यांच्यावर अभिनंदनाचा वर्षाव होत आहे. त्यांच्या या यशातून देशसेवा, शिस्त, प्रामाणिकपणा आणि कर्तव्यनिष्ठेचा प्रेरणादायी संदेश युवकांसमोर निर्माण झाला आहे.
देशाच्या सेवेसाठी सदैव तत्पर राहून मिळविलेल्या या गौरवाबद्दल सीआरपीएफ जवान रामदास मधुकर सवार यांचे मनःपूर्वक अभिनंदन आणि पुढील सेवेसाठी हार्दिक शुभेच्छा!
