छपरासवाडी जिल्हा परिषद शाळेत सेवाभावी उपक्रम; मान्यवरांचा सत्कार
शेगाव : प्रतिनिधी
ओम साई प्रतिष्ठान, शेगाव यांच्या वतीने जिल्हा परिषद शाळा, छपरासवाडी येथे विद्यार्थ्यांना शैक्षणिक साहित्याचे वाटप करण्यात आले. विद्यार्थ्यांना शिक्षणासाठी प्रोत्साहन मिळावे आणि त्यांच्या शैक्षणिक गरजा पूर्ण करण्यास हातभार लागावा, या उद्देशाने हा सेवाभावी उपक्रम राबविण्यात आला.
या कार्यक्रमादरम्यान जिल्हा परिषद शाळेच्या वतीने जिल्हा परिषद सदस्य डॉ. शिवाजी खिलारे यांचा सत्कार करण्यात आला. तसेच शाळेत नव्याने रुजू झालेल्या भोसले मॅडम यांचा ओम साई प्रतिष्ठान आणि शालेय व्यवस्थापन समितीच्या वतीने सन्मान करण्यात आला.
कार्यक्रमाला माजी पंचायत समिती सदस्य बंडोपंत ताटे, युवा नेते रामण्णा नाईक, ग्रामपंचायत सदस्य संजय बुरुटे, माजी सरपंच बबन बुरुटे, शालेय व्यवस्थापन समितीचे अध्यक्ष समाधान ताटे, ओम साई प्रतिष्ठानचे अध्यक्ष बबलू शिंदे, उपाध्यक्ष आनंदा किसवे यांच्यासह प्रतिष्ठानचे सर्व संचालक, शिक्षकवृंद, ग्रामस्थ आणि विद्यार्थी मोठ्या संख्येने उपस्थित होते.
यावेळी बोलताना ओम साई प्रतिष्ठानचे खजिनदार दीपक बुरुटे यांनी विद्यार्थ्यांच्या शैक्षणिक प्रगतीसाठी तसेच समाजहितासाठी प्रतिष्ठान यापुढेही विविध उपक्रम राबविण्यासाठी सदैव तत्पर राहील, असे सांगितले. त्यांनी उपस्थित सर्व मान्यवर, शिक्षक, ग्रामस्थ आणि सहकार्य करणाऱ्या व्यक्तींचे आभार मानले.
विद्यार्थ्यांच्या शिक्षणाला प्रोत्साहन देणाऱ्या या उपक्रमाचे उपस्थितांकडून कौतुक करण्यात आले.
