श्रीरामपूर पोलिस ठाण्यात ॲट्रासिटी अंतर्गत गुन्हा दाखल
श्रीरामपूर (प्रतिनिधी) : श्रीरामपूर नगरपालिकेतील भाजपच्या गटनेत्या असलेल्या महिलेचे इन्स्टाग्रामवर लज्जास्पद एआय फोटो व्हायरल करून मानहानी केल्याने एका तरुणी विरुद्ध अनुसूचित जाती जमाती अत्याचार प्रतिबंधक कायद्यान्वये शहर पोलीस ठाण्यात गुन्हा दाखल करण्यात आला आहे.
आरोपी तरुणीचे नाव कांचन दायमा (वय २२, रा. बेलापूर) असे आहे. तिच्या विरुद्ध गटनेत्यांनी फिर्याद दाखल केली होती. दायमा हिने एआयचा वापर करून गटनेत्यांची बदनामी केली होती. तसेच त्यांचे एआय फोटो तयार करून लज्जास्पदरित्या त्यात छेडछाड करण्यात आली होती. त्याद्वारे चव्हाण यांची मानहानी करण्यात आली. दरम्यान चव्हाण यांनी यापूर्वीही शहर पोलिसांत तक्रार दाखल केली होती. मात्र त्यावेळी गंभीर गुन्ह्याची नोंद झालेली नव्हती. मात्र पोलिसांनी केलेल्या अधिकचा तपास तसेच गटनेत्यांनी श्रीरामपूरातील सर्वपक्षीय नेत्यांनी पाठपुरावा केल्याने अखेर कारवाई झाली आहे.
