(परभणी जिल्हा प्रतिनिधी.भागवत बामणे)
पालम पोलिस स्टेशनच्या वतीने घेण्यात आलेल्या तालुका स्तरीय शांतता बैठकीच्या अनुषंगाने मुख्य मार्गदर्शक म्हणून परभणी जिल्हाचे पोलिस अप्पर अधीक्षक मा.श्री.तानाजी चिखले साहेब (भापोसे) व उपविभागीय पोलिस अधिकारी पुर्णा मा.श्री.कुंदनकुमार वाघमारे साहेब तर तहसील कार्यालय पालम चे नायब तहसीलदार तेलभरे साहेब, नगरपंचायत पालम चे मुख्य कार्यकारी अधिकारी मा.पौळ साहेब आणि महावितरण कंपनीचे अधिकारी व पालम पोलिस स्टेशनचे पोलीस निरीक्षक आदित्यजी लोणीकर साहेब हे उपस्थित होते.
बैठकीत ग्रामीण भागातील व शहरातील सार्वजनिक गणेश मंडळांनी आप आपल्या समस्या ह्या या बैठकीत मांडल्या त्यामध्ये विज पुरवठा, रस्त्याची दुरवस्था व काही ठिकाणी पाणी टंचाई निर्माण झाली असल्याने गणपती विसर्जन कुठे करायचे हा ग्रामीण भागातील मंडळांना पडलेला प्रश्न आहे अशा अनेक प्रश्नांवर तोडगा काढण्यासाठी या बैठकीचे आयोजन करण्यात आले होते.यावेळी तालुक्यातील कार्यक्रमासाठी उपस्थित असलेले पोलिस पाटील, पत्रकार बांधव जेष्ठ नागरिक, सामाजिक कार्यकर्ते व कर्मचारी उपस्थित होते.
कार्यक्रमाचे सुत्रसंचलन मा.श्री.पदुदेवा जोशी पालमकर यांनी केले व आभार प्रदर्शन पालम पोलिस स्टेशनचे पोलीस निरीक्षक आदित्यजी लोणीकर साहेब यांनी केले…
