घरात आढळून आल्याने परिसरात खळबळ; मारेगाव पोलिसांकडून पुढील तपास
मारेगाव प्रतिनिधी –
मारेगाव : मारेगाव तालुक्यातील कोलगाव येथे २६ वर्षीय विवाहितेचा मृत्यू झाल्याची घटना समोर आली आहे. या घटनेमुळे परिसरात खळबळ उडाली आहे.
मृत विवाहितेचे नाव पायल मंगेश बोबडे असल्याची प्राथमिक माहिती आहे. संबंधित महिला घरात असताना ही घटना घडल्याचे समोर आले. तिच्या पुतणीला याबाबत माहिती मिळाल्यानंतर तिने शेजारील नागरिकांना सांगितले. त्यानंतर शेजाऱ्यांनी घटनेची माहिती महिलेच्या कुटुंबीयांना दिली.
घटनेची माहिती मिळताच मारेगाव पोलिसांनी घटनास्थळी दाखल होऊन आवश्यक कार्यवाही सुरू केली. मृत्यूचे नेमके कारण आणि घटनेची पार्श्वभूमी याबाबत पोलिसांकडून तपास करण्यात येत आहे.
पोलिस निरीक्षक सागर दानडे यांच्या मार्गदर्शनाखाली मारेगाव पोलिस पुढील तपास करीत आहेत. या प्रकरणाबाबत अधिकृत तपासातूनच पुढील माहिती स्पष्ट होणार आहे.
