: उत्कर्ष कुणबी संस्था (रजि.), साखरपा-दाभोळे पंचक्रोशीच्या वतीने गेल्या पाच वर्षांप्रमाणे यंदाही गणेशोत्सवानिमित्त मुंबईहून कोकणात जाणाऱ्या आणि परतीच्या प्रवाशांसाठी महाराष्ट्र राज्य मार्ग परिवहन महामंडळाच्या (एसटी) विशेष बसगाड्यांचे नियोजन करण्यात आले. या उपक्रमाला प्रवाशांचा चांगला प्रतिसाद मिळाला असून यंदा १५ एसटी बसगाड्यांमधून ६२५ प्रवाशांनी बुकिंग केले.
मुंबई सेंट्रल, परळ, बोरिवली, पनवेल आणि विरार या ठिकाणांहून १२ सप्टेंबर २०२६ रोजी कोकणासाठी एसटी बसगाड्या सोडण्यात आल्या. त्यानंतर गणेशोत्सवासाठी गावाकडे गेलेल्या प्रवाशांच्या परतीच्या प्रवासासाठी २० सप्टेंबर रोजी विशेष बसगाड्यांची व्यवस्था करण्यात आली.
संस्थेच्या पदाधिकाऱ्यांनी सांगितले की, कोकणात जाण्यासाठी बससेवेबरोबरच परतीच्या प्रवासाचीही व्यवस्था करण्यात आल्याने प्रवाशांना मोठी सुविधा झाली. प्रवाशांनी या उपक्रमाबद्दल संस्थेचे आभार मानले.
बसगाड्या डेपोतून ताब्यात घेण्यापासून ते प्रवाशांना नियोजित ठिकाणांहून वेळेवर घेऊन सायन, चेंबूर आणि पनवेलपर्यंत पोहोचविण्यापर्यंत संस्थेचे पदाधिकारी व कार्यकर्ते प्रवाशांसोबत उपस्थित होते. त्यामुळे संपूर्ण वाहतूक व्यवस्थेचे नियोजन करण्यात आले.
गणेशोत्सवानिमित्त राबविण्यात आलेल्या या उपक्रमाला प्रवाशांनी दिलेल्या प्रतिसादाबद्दल उत्कर्ष कुणबी संस्थेच्या वतीने सर्व प्रवाशांचे मनःपूर्वक आभार मानण्यात आले.
