विविध गणपती मंडळे एकत्र; सामाजिक एकोपा व बंधुभावाचा दिला संदेश
सटाणा : सटाणा तालुक्यातील शेवरे गावात गणपती बाप्पांच्या विसर्जनापूर्वी शेवटची आरती भक्तिमय वातावरणात पार पडली. यावेळी गावातील विविध गणपती मंडळे, तरुण मित्रमंडळे, महिला तसेच ग्रामस्थ मोठ्या संख्येने उपस्थित होते. आरतीनंतर गणपती बाप्पांना भावपूर्ण निरोप देण्यात आला.
यावेळी दावल मलिक बाबा तरुण मित्र मंडळाच्या वतीने गावातील सर्व गणपती मंडळांना एकत्रित करून सभा घेण्यात आली. या उपक्रमासाठी योगेश गवळी, मगण सूर्यवंशी, कुंदन चौरे, अजय साबळे व रोहिदास गायकवाड यांनी आपल्या गणपती मंडळांच्या माध्यमातून सहकार्य केले.
गावातील सर्व गणपती मंडळांनी एकत्र येत सामाजिक एकोपा आणि बंधुभावाचा संदेश दिला. शेवटच्या आरतीनंतर “गणपती बाप्पा मोरया, पुढच्या वर्षी लवकर या” या जयघोषाने परिसर दुमदुमून गेला. उत्साहपूर्ण आणि भक्तिमय वातावरणात गणरायाला निरोप देण्यात आला.
