आदिवासी संस्कृती, परंपरा व रूढींनुसार उत्सव साजरा करण्यावर चर्चा
काठी प्रतिनिधी :–
काठी : अक्कलकुवा तालुक्यातील काठी चिपटन संस्थानिकांच्या राजवीर परिवार आणि पारंपरिक पुजारी परिवाराची संयुक्त नियोजन बैठक दि. ४ ऑक्टोबर २०२६ रोजी उत्साहपूर्ण वातावरणात संपन्न झाली. आगामी दसरा उत्सव आदिवासी संस्कृती, परंपरा, रूढी व प्रथेनुसार पारंपरिक पद्धतीने साजरा करण्याबाबत बैठकीत सविस्तर चर्चा करण्यात आली.
दसरा पूजाविधीसाठी आवश्यक पारंपरिक साहित्य, धार्मिक विधी, अंदाजे खर्च तसेच उत्सवाच्या आयोजनातील विविध जबाबदाऱ्यांबाबत उपस्थितांनी विचारविनिमय केला. पूर्वजांनी जपलेल्या परंपरा पुढील पिढीपर्यंत पोहोचवून काठी चिपटन संस्थानच्या सांस्कृतिक वारशाचे जतन करण्यावर यावेळी भर देण्यात आला.
बैठकीस काठी चिपटन संस्थानचे प्रमुख पृथ्वीसिंग पाडवी, महेंद्रसिंग पाडवी, रणजितसिंग पाडवी, राजेंद्रसिंग पाडवी, शेरसिंग पाडवी, बहादुरसिंग पाडवी, गणपतसिंग पाडवी, हिरेसिंग पाडवी तसेच पारंपरिक पुजारी परिवारातील रायसिंग हांद्या वसावे, गोबर्या टेबर्या वसावे, रेहंज्या वसावे यांच्यासह ज्येष्ठ व प्रमुख सदस्य उपस्थित होते.
काठी गावातील दसरा उत्सवाला दरवर्षी मोठ्या संख्येने नागरिक सहभागी होत असल्याने पुढील नियोजनासाठी पोलीस पाटील, नागरिक, घोडेस्वार, घोडेमालक तसेच संबंधित प्रशासनाच्या प्रतिनिधींच्या उपस्थितीत लवकरच संयुक्त बैठक घेण्याचे ठरविण्यात आले.
या बैठकीत उत्सवातील पारंपरिक विधी, नागरिकांचा सहभाग, घोड्यांची व्यवस्था, सुरक्षितता आणि प्रशासनाशी समन्वय याबाबत पुढील बैठकीत सविस्तर नियोजन करण्याचा निर्णय घेण्यात
