जळगाव / ता प्रतिनिधी सप्तशृंगी गडावरून देवीची ज्योत घेऊन शिरसोली प्र.न ग्रामस्थांची पायी दिंडी उत्साहात श्री क्षेत्र सप्तशृंगी गडावर आई सप्तशृंगी मातेच्या दर्शनासाठी आणि देवीची पवित्र ज्योत घेण्यासाठी भाविकांची मोठी गर्दी होत आहे. ‘सर्वमंगल मांगल्ये… बोल अंबे की जय!’ अशा जयघोषात भाविक गडावरून कळवण मार्ग मालेगाव चाळीसगाव पाचोरा वावडदा वरुन शिरसोली पायी प्रवास करत आहेत.
ग्रामस्थ आणि तरुणांनी उत्साहाने सहभाग घेत सप्तशृंगी गडावरून देवीची पवित्र ज्योत पायी सहकार्य मित्र मंडळ शिरसोली गावापर्यंत आणली. श्रद्धा, भक्ती आणि सामूहिक एकतेचे दर्शन घडविणाऱ्या या पायी दिंडीमुळे परिसरात चैतन्याचे वातावरण निर्माण झाले.या पायी दिंडी व ज्योत आणण्याच्या सोहळ्यात पुडंलिक सुन्ने ,सचिन नागपुरे ,किरण काटोले,गणेश नागपुरे,नितीन नागपुरे,कैलास आप्पा काटोले,अमर नागपुरे,मनोज सुन्ने,अनिल ताडे,अजयभाऊ,दयानंद भाऊ, सर्व मंडळाचे कार्यकरते ग्रामस्थ व तरुण मोठ्या संख्येने सहभागी झाले होते.
देवीच्या जयघोषात आणि भक्तिमय वातावरणात पार पडलेल्या या उपक्रमातून ग्रामस्थांची आई सप्तशृंगी मातेप्रती असलेली श्रद्धा आणि गावातील एकजूट दिसून आली. या पायी दिंडीमुळे शिरसोली प्र.न गावासह परिसरात उत्साहाचे वातावरण पाहायला मिळाले.न्युज तालुका प्रतिनिधी.दिपक बारी
