शहादा,दि.१२
परिसराचे लोकप्रिय नेते आणि पूज्य साने गुरुजी विद्या प्रसारक मंडळाचे अध्यक्ष दीपकभाई पुरुषोत्तम पाटील यांच्या वाढदिवसानिमित्त मंगळवारी दि.१३ ऑक्टोबर रोजी भव्य अभिष्टचिंतन सोहळ्याचे आयोजन करण्यात आले आहे.
ज्ञज्ञज्ञज्ञहा कार्यक्रम बापूसाहेब दीपकभाई पुरुषोत्तम पाटील वाढदिवस अभिष्टचिंतन सोहळा समिती, हितचिंतक, स्नेही, मित्रपरिवार तसेच कर्मचारी वृंद यांच्या संयुक्त विद्यमाने आयोजित करण्यात आला आहे.हा सत्कार व अभिष्टचिंतन सोहळा मंगळवारी सकाळी साडेनऊ वाजता पूज्य साने गुरुजी विद्या प्रसारक मंडळाच्या डी. एन. पटेल अभियांत्रिकी महाविद्यालयातील ‘सर विश्वेश्वरय्या सभागृहात’ पार पडणार आहे.यावेळी विविध गटांमध्ये बुद्धीबळ स्पर्धाही आयोजित करण्यात आली आहे.
दीपकभाई पाटील यांनी शिक्षण क्षेत्रासह सामाजिक व राजकीय क्षेत्रात मोठे योगदान दिले असून त्यांच्या नेतृत्वाखाली संस्थेने शैक्षणिक क्षेत्रात उत्तुंग भरारी घेतली आहे. त्यांच्या वाढदिवसानिमित्त परिसरातील नागरिक, स्नेही, कार्यकर्ते आणि विविध क्षेत्रांतील मान्यवर मोठ्या संख्येने उपस्थित राहून त्यांना शुभेच्छा देणार आहेत. तरी या सोहळ्यास सर्वांनी वेळेवर उपस्थित राहावे, असे आवाहन अभिष्टचिंतन सोहळा समितीच्या वतीने करण्यात आले आहे.
