न्यु इंग्लिश स्कुल अँड ज्युनियर कॉलेज मध्ये सावित्रीबाई फुले यांची जयंती साजरी करण्यात आली

मंठा प्रतिनिधी:-
शहरातील न्यु इंग्लिश स्कुल अँड ज्युनियर कॉलेज मध्ये महिलांच्या शिक्षणाची ज्योत पेटविणारी, भारतातील पहिली महिला शिक्षिका आणि मुख्याध्यापिका, आजीवन आपल्या पतीचे सामाजिक कार्य आपल्या खांद्यावर वाहून नेणारी, साहित्यातील बावनकशी रत्न क्रांतीज्योती सावित्रीबाई फुले यांची जयंती साजरी करण्यात आली. याप्रसंगी शाळेचे मुख्याध्यापक उध्दव मोरे सर यांनी सावित्रीबाई फुले यांच्या प्रतिमेस पुष्पहार अर्पण केले. त्यानंतर शाळेतील विद्यार्थ्यांनी सावित्रीबाई फुले यांच्या जीवनावर प्रकाश टाकला. यावेळी निबंध स्पर्धाही घेण्यात आली. त्यात प्रथम पारितोषिक म्हणून शाळेकडून पेन आणि वही देऊन विद्यार्थ्यांचा सत्कार करण्यात आला. मुख्याध्यापक उध्दव मोरे सर यांनी क्रांतीज्योती सावित्रीबाई फुले यांच्या जीवनावर माहिती देत यावर्षीपासून सावित्रीबाई फुले यांचा जन्मदिवस महिला शिक्षण दिन म्हणून साजरा करण्यात येत असल्याची माहिती दिली. याप्रसंगी महिला शिक्षिका सौ.सिमा निर्वंळ, सौ.आर्चना राठोड,सौ.भारती गुजर मॅडम,सौ.खरात मॅडम,सौ.रंगारे मॅडम,सौ.सारिका शर्मा मॅडम यांचा शाळेकडून पुष्प देऊन सत्कार करण्यात आले. उपक्रमशील शिक्षक परमेश्वर चव्हाण सर आणि राम जाधव यांच्या सहशिक्षक वाघमारे सर यांचीही उपस्थिती होती.