🎯रुग्ण घेऊन जाणाऱ्या रुग्णवाहीकेने अचानक घेतला पेट..गोवा बांबोळी वारी अजून किती दिवस चालणार?

निलावडे सिंधुदुर्ग येथील एक पेशंटला सावंतवाडी हॉस्पिटल मधून बांबोळे येथे नेत असताना धारगळ महाखाजन येथे पहाटे तीन वाजता शॉर्टसर्किट होऊन पूर्णपणे ॲम्बुलन्स जळून खाक झाल्याची घटना घडली.एम एच १४ सी एल ०५५४० ही ॲम्बुलन्स सावंतवाडीहून एका पेशंटला घेऊन तातडीने बांबोळी हॉस्पिटलमध्ये जात असताना धारगळ महाखाजन येथे ॲम्बुलन्स मध्ये स्पार्क झाल्याचे लक्षात वाहन चालकाच्या आल्यामुळे त्याने वाहन बाजूला हलवले आणि त्वरित दोन मिनिटाच्या आत आतील पेशंट व इतरांना दुसऱ्या वाहनांमध्ये पाठवून त्यांची सोय केली. त्यानंतर लगेच या वाहनाने पूर्णपणे पेट घेऊन वाहन जळून गेले.घटनेची माहिती पेडणे अग्निशामन दलाला मिळतात पेडणे अग्निशामन दलाच्या जवानांनी बंबासहित घटनास्थळी धाव घेतली, आणि आग आटोक्यात आणण्याचा प्रयत्न केला. त्यामध्ये फायर फायटर म्हणून जयराम शेटगावकर ,अलवारीस मास्कारांजस, जयराम कानोलकार, इंद्रकुमार परब, कृष्णा नाईक आणि बया वरक या जवानांनी बरीच परिश्रम घेऊन आग आटोक्यात आणली. परंतु पूर्णपणे वाहन जळून खाज झाले मात्र जीवित हानी पूर्णपणे टळली.एक मोठी दुर्घटना टाळण्याचं काम ॲम्बुलन्स चालकाने प्रसंग ओळखून प्रयत्न केल्यामुळे मोठी दुर्घटना घडली नाही. अन्यथा दुर्दैवी प्रसंग घडला असता. अधून मधून वाहनाने शॉर्टसर्किट लागण्याच्या घटना घडत असून त्यामुळे वाहन चालकही आता भयभीत झाले आहेत