जनशक्ती विकास आघाडी सचिव पदी भारत लांडे यांची निवड..

लाडजळगाव प्रतिनिधी :

जनशक्ती विकास आघाडी ची शेवगावची नवीन कार्यकारिणी संस्थापक अध्यक्ष ॲड.शिवाजीराव काकडे यांनी शेवगाव येथे घोषित करून शिवाजी लांडे यांची जनशक्तीच्या सचिव पदी निवड करण्यात आली.

शेवगाव येथे विधानसभा निवडणुकीनंतर जनशक्ती विकास आघाडीची दुसरी बैठक घेण्यात येऊन सचिव पदी भारत लांडे, कार्याध्यक्ष पदी राम पोटफोडे तर युवाअध्यक्ष वैभव पुरनाळे, उपाध्यक्ष म्हणून भाऊसाहेब बोडके, लक्ष्मण गवळी, हरिश्चंद्र फाटे, मागासवर्गीय सेल उपाध्यक्ष भारत भालेराव, रामनाथ भालेराव यांची निवड करण्यात आली.

यावेळी ॲड.काकडे म्हणाले की, जनसामान्यांचे गोरगरिबांचे लहान लहान प्रश्नासाठी आपण जनशक्ती संघटना स्थापन केली आहे. ही संघटना स्थापन केली व गोरगरिबांचे विविध प्रश्न सोडवत आहोत. तसेच ताजनापुर लिफ्ट योजनेतून 30 गावांच्या पाण्याच्या प्रश्नासाठी लढत आहोत. हे संघटनेचे मोठे यश आहे. विधानसभा आपण लढलो हरलो असलो तरी आपण स्वाभिमान कोठेही गहाण ठेवला नाही. आपण आपल्या संघटनेच्या बळावरच लढलो यश अपयश हा वेगळा विषय आहे.

आताही नवीन पदाधिकाऱ्यांना शुभेच्छा देताना मी सांगतो तालुक्यात गाव तेथे शाखा स्थापन करून गोरगरिबांच्या प्रश्नासाठी संघटनेने लढत राहायचे आहे. एक दिवस आपलाच असेल हे लक्षात घ्या कुठेही आपण कमी नाहीत मी म्हणजे संघटना मानू नका आता संघटना स्वतंत्रपणे आपली कामे करणार आहे. त्यासाठीच आता ही कार्यकारिणी व पदाधिकारी काम करणार आहेत.

यावेळी जिल्हा परिषद सदस्या हर्षदा काकडे, महासचिव जगन्नाथ गावडे, संजय काकडे, बंडू भाऊ कातकडे, भगवानराव डावरे, सुरेश मस्के, सुरेश चौधरी, अशोक आव्हाड ,रामकिसन घनवट, बाळासाहेब पाटेकर, चंद्रकांत काकडे, शेषराव फलके, तुळशीराम रुईकर, शिवाजी औटी, नवनाथ खेडकर, नामदेव ढाकणे, अशोकराव ढाकणे उपस्थित होते..