धाराशिव – कुटुंबातील व्यक्ती रुग्णालयात असणे ही वेळ कुठल्याही कुटुंबासाठी त्रासदायक असते त्यात दवाखान्यासाठी शासकीय कागदपत्रे गोळा करणे मोठे जिकिरीचे काम. सामाजिक कार्यकर्ते मनोज जाधव गेल्या अनेक वर्षांपासून हे जिकिरीचे काम रुग्णाच्या कुटुंबासाठी सोपे करून मोठी रुग्णसेवा करत आहेत त्यात त्यांना प्रशासनाची चांगली साथ मिळत असून कळंबच्या नायब तहसीलदार शिल्पा मालवे यांनी महिनाभरात २५ रुग्णांना रेशन कार्ड अवघ्या काही मिनिटांत उपलब्ध करून दिल्याने रुग्णांना उपचार लवकर मिळण्यास मदत होत आहे.
धाराशिव तालुक्यातील रुईभरचे उपसरपंच संतोष वडवले यांनी मनोज जाधव यांना फोनवरून सदरचे अडचण सांगितली
कळंब तालुक्यातील एका रुग्णाला ऑपरेशनसाठी तात्काळ रेशन कार्डची गरज होती. ही बाब रुग्णसेवक मनोज जाधव यांच्या निदर्शनास येताच त्यांनी तत्काळ कळंबच्या तहसीलदारांना विनंती केली. प्रशासनाची तत्परता दाखवत तहसीलदारांनी अवघ्या तीस मिनिटांतच रेशन कार्ड उपलब्ध करून दिले. नायब तहसीलदार शिल्पा मालवे यांना त्यांचे वरिष्ठ तहसीलदार हेमंत ढोकले, अव्वल कारकून आर. डी. पवार, पुरवठा निरीक्षक जयदेवी कांबळे, यांची मोठी साथ लाभली.
मनोज जाधव यांचा काम करून घेण्याचा वेगळाच हातखंडा
या वेगवान निर्णयामुळे रुग्णाच्या उपचारात अडथळा न येता त्याला तातडीने मदत मिळाली. तहसीलदारांच्या या सेवाभावी कृतीचे सर्वत्र कौतुक होत असून, रुग्णसेवक मनोज जाधव यांनीही प्रशासनाच्या सहकार्याबद्दल आभार व्यक्त केले आहेत.
हजारो रुग्णांना स्वखर्चातून मदत करणारा अवलिया रुग्णसेवक…मनोज जाधव
याआधीही मनोज जाधव यांनी अनेक रुग्णांसाठी सुट्टीच्या दिवशीसुद्धा तहसील कार्यालयात जाऊन आवश्यक कागदपत्रे मिळवली आहेत. प्रशासन आणि समाजसेवक यांच्या सहकार्याने रुग्णसेवा अधिक वेगवान आणि परिणामकारक होत आहे, हे या घटनेने पुन्हा सिद्ध झाले आहे.
Discussion about this post