जत प्रतिनिधी :-जत विधानसभा मतदारसंघातील मायबाप मतदारांनो,
आपण मला विधानसभेचा सदस्य म्हणून निवडून दिल्यानंतर माझी जबाबदारी मोठ्या प्रमाणात वाढली आहे. जनतेच्या अपेक्षा उंच आहेत आणि त्या पूर्ण करण्यासाठी मी सातत्याने प्रयत्नशील आहे.
विधानसभा सदस्य होण्यापूर्वी, मी विधानपरिषद सदस्य असताना संख अप्पर तहसीलदार कार्यालयातील काही गावांचा उमदी अप्पर तहसीलदार कार्यालयामध्ये समावेश करण्याची मागणी तत्कालीन सरकारकडे सातत्याने करत होतो. त्यानुसार उमदी अप्पर तहसीलदार कार्यालयाला मंजुरी मिळाली.
मार्च 2024 मध्ये महसूल मंत्री मा.ना. राधाकृष्ण विखे पाटील साहेब यांच्या अध्यक्षतेखाली या विषयावर सविस्तर चर्चा झाली होती. संख व उमदी भागात पूर्वीपासून काही संबंधित विवाद होते. त्यामुळे उमदी परिसरातील नागरिकांची दीर्घकाळची मागणी होती की उमदी येथे स्वतंत्र अप्पर तहसीलदार कार्यालय सुरू व्हावे.
त्या अनुषंगाने नव्याने प्रस्तावित उमदी अप्पर तहसीलदार कार्यालयासाठी २२ गावांचा समावेश करण्यात आला असून त्यात पुढील गावे येतात:
उमदी, विठ्ठलवाडी, उटगी, लमाण तांडा उटगी, निगडी बुद्रुक, सुसलाद, सोनलगी, बोर्गी खुर्द, अक्कळवाडी, मानिकनाळ, बोर्गी बुद्रुक, बालगाव, हळ्ळी, करजगी, बेळोंडगी, जाडर, बोबलाद, सोन्याळ, लकडेवाडी, गिरगाव, लवंगा, गुलगुंजनाळ, जालीयाळ बुद्रुक.
उमदी अप्पर तहसील कार्यालय निर्माण झाल्यानंतर संख अप्पर तहसीलदार कार्यालयाकडे एकूण 29 गावे निश्चित झाली आहेत. त्यामध्ये:
संख, गोंधळेवाडी, खंडनाळ, दरीबडची, लमाणतांडा दरीबडची, आसंगी तुर्क, कागनरी, मोटेवाडी आसंगी, धुळकरवाडी, अंकलगी, कुलाळवाडी, सिद्धनाथ, जालीयाळ खुर्द, पांढरेवाडी, तीकोंडी, पांडोझरी, पारधेवस्ती, करेवाडी तीकोंडी, कोंतेव बोबलाद, करेवाडी (को. बो.), मोटेवाडी (को. बो.), कोणबगी, मोरबगी, भिवर्गी, माडग्याळ, व्हसपेठ, गुड्डापूर, आसंगी जत, तिल्ल्याळ यांचा समावेश आहे.
माझा स्वभाव कुणावर अन्याय करण्याचा नाही. सर्व घटकांना न्याय देण्याच्या तत्त्वाप्रमाणेच ही संपूर्ण प्रक्रिया राबवली जात आहे.
संख येथे विविध शासकीय सुविधा आणण्यासाठी माझे प्रयत्न सुरूच आहेत. यामध्ये
संख येथे सरकारी हॉस्पिटल – प्रस्तावित असून मंजुरीच्या अंतिम टप्प्यात.
संख येथे रेशीम प्रशिक्षण व उद्योग केंद्र – यासाठी वस्त्र उद्योग मंत्र्यांकडे मागणी सादर केली आहे.
राज्य सरकार सातत्याने संखसाठी आवश्यक ते निर्णय घेत आहे आणि आणखी काही निर्णय लवकरच अपेक्षित आहेत.
जनतेला केंद्रस्थानी ठेवून, न्याय, सुविधा आणि प्रशासन सुलभतेचा ध्यास घेत मी कार्य करीत आहे.
आपला विश्वास हीच माझी मोठी ताकद आहे.
