अनिस हॉस्पिटल चे 20व्या वर्षात पदार्पण झाल्याने हॉस्पिटल मध्ये जन्माला येणाऱ्या प्रत्येक मुलींच्या नावे पाच हजाराची ठेव पावती ठेवण्यात आली……
प्रतिनिधी :-दरिकांत कोळेकर.सारथी महाराष्ट्राचा न्युज.
कुरुंदवाड:- येथील अनिस हॉस्पिटलचे २०व्या वर्षात पदार्पण झाल्याने हॉस्पिटलमध्ये जन्माला येणाऱ्या प्रत्येक मुलीच्या नावे पाच हजाराची ठेव ठेवण्याचा संकल्प डॉ.अविनाश कोगनोळे यांनी केला असून लेक वाचवा ठेव अभियान ही मोहीम वर्षभर राबवण्याचा निर्धार त्यांनी केला आहे. आज महिला गोसावी या महिलेला कन्यारत्न झाल्याने त्या मुलीच्या नावे पाच हजाराची ठेव पावती देण्यात आली.
घरात वाढणारी मुलगी कुटुंबातील सर्व सदस्यांची नाते टिकून ठेवण्यात महत्त्वाची भूमिका बजावते. लहानपणापासून आई-वडिलांचे घर आनंदाने भरून टाकणाऱ्या मुलीचा आज ही पुरुषप्रधान जगात नवजात मुलीचा सन्मान होत आहे.
येथे अनिस हॉस्पिटलचे २० व्या वर्षात पदार्पण करत असल्याच्या निमित्ताने २४ डिसेंबर २०२५ नंतर अनिश हॉस्पिटलमध्ये जन्मणाऱ्या प्रत्येक मुलीच्या नावे पाच हजार रुपयाची ठेव पावती करण्याचे अनिस हॉस्पिटलचे डॉ. अविनाश कोगनोळे यांनी ठरविले होते. त्याप्रमाणे मुलीचे नामकरण झाल्यानंतर ही ठेव पावती मुलीच्या आई-वडिलांना प्रदान करण्यात येणार आहे. येथील महिरा सुरज गोसावी यांना कन्यारत्न झाल्याने त्यांना शुक्रवारी पहिली ठेव पावती पालकांना देण्यात आली. त्यामुळे विसाव्या वर्षी त्या मुलीला २०,००६ एवढी रक्कम मिळणार आहे. “लेक वाचवा ठेव” अभियान राबवल्यामुळे डॉ. अविनाश कोगनोळे यांच्या या मोहिमेचे सर्वत्र कौतुक होत आहे.
