🎭 श्रीमंत गंगामाई वाचन मंदिर येथे तालुकास्तरीय नाट्यछटा स्पर्धा उत्साहात संपन्न

🎭 श्रीमंत गंगामाई वाचन मंदिर येथे तालुकास्तरीय नाट्यछटा स्पर्धा उत्साहात संपन्न
🌟 प्राथमिक गटात अनन्या पिळणकर तर माध्यमिक गटात रिया पारपोलकर प्रथम 🌟
आजरा : प्रतिनिधी
श्रीमंत गंगामाई वाचन मंदिर, आजरा तर्फे कै. शुभांगी गजानन वायंगणकर यांच्या स्मृतिप्रीत्यर्थ आयोजित तालुकास्तरीय शालेय नाट्यछटा स्पर्धा अत्यंत उत्साहपूर्ण वातावरणात पार पडली. कार्यक्रमाच्या प्रारंभी कै. शुभांगी वायंगणकर यांच्या प्रतिमेचे पूजन व दीपप्रज्वलन डॉ. अंजनी देशपांडे व मान्यवरांच्या हस्ते करण्यात आले. कार्यक्रमाच्या अध्यक्षस्थानी वाचनालयाचे अध्यक्ष वामन सामंत होते.
🏆 प्राथमिक गट निकाल
प्राथमिक गटात
🥇 प्रथम क्रमांक – कु. अनन्या सिद्धेश पिळणकर (स्वामी विवेकानंद विद्यामंदिर, आजरा)
🥈 द्वितीय क्रमांक – कु. यशश्री विकास किल्लेदार (रोझरी इंग्लिश स्कूल, आजरा)
🥉 तृतीय क्रमांक – कु. अंतरा कृष्णा पाटील (विद्यामंदिर, होनेवाडी)
🏆 माध्यमिक गट निकाल
माध्यमिक गटात
🥇 प्रथम क्रमांक – कु. रिया संतोष पारपोलकर (आजरा हायस्कूल, आजरा)
🥈 द्वितीय क्रमांक – कु. आरोही कृष्णा पाटील (रोझरी इंग्लिश स्कूल, आजरा)
🥉 तृतीय क्रमांक – कु. हाजी महम्मद इरफान सय्यद (व्यंकटराव हायस्कूल, आजरा)
विजेत्या स्पर्धकांना डॉ. अंजनी देशपांडे, अध्यक्ष वामन सामंत व इतर मान्यवरांच्या हस्ते रोख पारितोषिके, सन्मानचिन्हे व प्रशस्तीपत्र देऊन गौरविण्यात आले.
🎬 परीक्षक व उपस्थिती
या स्पर्धेसाठी नाट्यकलाकार अनिल कांबळे व सौ. वृषाली वाळके यांनी परीक्षक म्हणून काम पाहिले. कार्यक्रमास उपाध्यक्षा विद्या हरेर, सहकार्यवाह रविंद्र हुक्केरी, संचालक बंडोपंत चव्हाण, महंमदअली मुजावर, चंद्रशेखर बटकडली, शोभा कुंभार, डॉ. रश्मी राऊत, अनिकेत गाडगिळ, ग्रंथपाल चंद्रकांत कोंडुसकर, निखिल कळेकर, महादेव पाटील, महादेव पोवार यांच्यासह विविध शाळांचे विद्यार्थी, शिक्षक व नागरिक मोठ्या संख्येने उपस्थित होते.
कार्यवाह कुंडलिक नावलकर यांनी स्वागत व प्रास्ताविक केले. संचालक विजय राजोपाध्ये यांनी सूत्रसंचालन करून आभार मानले.
तालुक्यातील विविध शाळांमधील विद्यार्थ्यांनी या स्पर्धेत उत्स्फूर्त सहभाग घेतल्याने सभागृहात उत्साहाचे वातावरण निर्माण झाले होते. विद्यार्थ्यांच्या अभिनयकौशल्यामुळे स्पर्धेला विशेष रंगत आली.