रत्नागिरी | दि. ८ फेब्रुवारी २०२६ (रविवार)(प्रतिनिधी:राकेश.चिलबे)रत्नागिरी येथे पार पडलेल्या १९ व्या रत्नागिरी जिल्हा ओपन चॅलेंज पुमसे व क्युरोगी तायक्वांदो चॅम्पियनशिप स्पर्धेत SRK Taekwondo Instituteच्या सुवर्णकन्या स्वरा साखळकर हिने उत्कृष्ट कामगिरी करत दोन सुवर्णपदके व एक कांस्यपदक पटकावले. जिल्ह्यातील सुमारे ७०० नामांकित खेळाडूंमध्ये झालेल्या अटीतटीच्या लढतीत स्वराने आपल्या कौशल्य, आत्मविश्वास आणि कठोर मेहनतीच्या जोरावर हे यश संपादन केले.
रत्नागिरी येथील बॅडमिंटन हॉलमध्ये आयोजित या स्पर्धेत पुमसे व क्युरोगी या दोन्ही प्रकारांत स्वराने प्रभावी खेळ सादर केला. तिच्या या उल्लेखनीय कामगिरीमुळे क्रीडा क्षेत्रात पुन्हा एकदा रत्नागिरी जिल्ह्याचे नाव उज्ज्वल झाले आहे.स्वराने आतापर्यंत तायक्वांदो क्षेत्रात ३८ सुवर्ण, १५ रौप्य आणि ८ कांस्य अशी एकूण ६१ पदके मिळवत भरीव यश संपादन केले आहे.
सातत्यपूर्ण सराव, जिद्द आणि शिस्तबद्ध तयारी मुळेच हे यश शक्य झाल्याचे क्रीडा जाणकारांचे मत आहे या यशामागे तिचे प्रशिक्षक तथा अनेक राष्ट्रीय खेळाडू घडवणारे मुख्य प्रशिक्षक शाहरुख सर यांचे मार्गदर्शन लाभले. तसेच तिच्या आई-वडिलांचे मोलाचे सहकार्य आणि पाठबळही तितकेच महत्त्वाचे ठरले आहे.
स्वरा ही नगरपरिषद शाळा क्रमांक १५, दामले विद्यालयाची विद्यार्थिनी असून तिच्या या यशाबद्दल मुख्याध्यापक श्री. मोटे सर, क्रीडा शिक्षक श्री. शेंडगे सर, जिल्हा क्रीडा अधिकारी श्री. विजय शिंदे, तालुका क्रीडा अधिकारी गणेश जगताप, तालुका समन्वयक विनोद मयेकर, महाराष्ट्र राज्य संघटनेचे कोषाध्यक्ष श्री. व्यंकटेशराव कररा, जिल्हा उपाध्यक्ष विश्वास लोखंडे, खजिनदार शशांक घडशी, सचिव लक्ष्मण कररा, तायक्वांदो प्रशिक्षक मिलिंद भागवत तसेच क्लबचे अध्यक्ष अमोल सावंत, उपाध्यक्ष वीरेश मयेकर, सचिव शीतल खामकर, कोषाध्यक्ष अंजली सावंत, सदस्य निखिल सावंत, प्रफुल्ल हतिसकर आदी मान्यवरांनी अभिनंदन करून पुढील वाटचालीसाठी शुभेच्छा दिल्या.
तसेच शाळेचे मुख्याध्यापक, पालक, क्रीडा शिक्षक, संस्थेचे संचालक, तायक्वांदो क्लबचे सर्व पदाधिकारी आणि समस्त पालकवर्ग यांनी स्वराच्या या यशाचे कौतुक करत भविष्यातील राष्ट्रीय व आंतरराष्ट्रीय स्पर्धांसाठी शुभेच्छांचा वर्षाव केला.
SRK Taekwondo Instituteच्या स्वरा साखळकरची दमदार कामगिरी१९ वी रत्नागिरी जिल्हा ओपन तायक्वांदो स्पर्धेत २ सुवर्ण व १ कांस्यपदकाची कमाई
