।प्रतिनिधी। सारथी महाराष्ट्राचा न्युज वृत्तसेवा
कार्ला जि.अकोला.
: कार्ला येथील प्रवीण दिनकर तायडे हे गेल्या चार ते पाच वर्षांपासून आलेल्या अपंगत्वामुळे खाटेवरच आहेत. उपचार सुरू असले तरी त्यांच्या कुटुंबाची आर्थिक परिस्थिती अत्यंत हलाखीची झाली आहे.अशा कठीण प्रसंगी मदतीचा हात देत आलेगाव येथील सामाजिक कार्यकर्ते निलेश कापकर यांनी तायडे यांना ७००० हजार रुपयांची रोख मदत प्रदान केली.
केवळ आर्थिक मदतच नव्हे, तर त्यांनी कुटुंबाला धीर देत पुढील काळातही मुंबई येथे स्वतःच्या रुग्णवाहीकेने नेऊन पुढील उपचार करण्याचे तसेच पुढील शक्य ते सर्व सहकार्य करण्याचे आश्वासन त्यांनी दिले. त्यांच्या या कृतीतून सामाजिक जाणीव, संवेदनशीलता आणि माणुसकीचा प्रत्यय पुन्हा एकदा आला आहे.
समाजातील गरजू, आजारी व दुर्बल घटकांसाठी तत्परतेने धावून जाणारे निलेश कापकर यांनी परिसरामध्ये मानवतेचा आधारस्तंभ म्हणून ओळख निर्माण केली आहे .कोणतीही प्रसिद्धीची अपेक्षा न ठेवता, शांतपणे आणि सातत्याने ते सामाजिक कार्य करत असल्याने नागरिकांमध्ये त्यांच्याबद्दल आदराची भावना निर्माण झाली आहे.
यावेळी बालूभाऊ बगाडे, राजेश भाऊ काळपांडे, रामाभाऊ राखोंडे, गोपाल इंगळे, मोहन बंड, उगले आदी मान्यवर उपस्थित होते. उपस्थितांनीही तायडे यांच्या प्रकृतीची विचारपूस करून पुढील काळात आवश्यक ती मदत करण्याचे आश्वासन दिले.
स्थानिक पातळीवर अशा प्रकारची माणुसकीची साखळी अधिक बळकट व्हावी आणि निलेश कापकर यांच्यासारख्या सामाजिक कार्यकर्त्यांचे कार्य सर्वांसाठी प्रेरणादायी ठरावे, अशी भावना यावेळी व्यक्त करण्यात आली.
