महाशिवरात्री निमित्त श्री. कल्लेश्वर मंदिरात विविध धार्मिक कार्यक्रम संपन्न….
प्रतिनिधी:-दरिकांत कोळेकर.सारथी महाराष्ट्राचा न्युज.
कुरुंदवाड :- येथील नगरीचे ग्रामदैवत श्री कल्लेश्वर मंदिरात महाशिवरात्रीनिमित्त विविध कार्यक्रमाचे आयोजन करण्यात आले सकाळी सहा वाजता श्री कल्लेश्वर पिंडीली सौ.व श्री. रेणू प्रमोद सुनील आवटी या दाम्पत्याच्या हस्ते महाभिषेक घालण्यात आला. महादेवाच्या दर्शनासाठी शहरातील नागरिकांनी दिवसभर दर्शनासाठी गर्दी केली होती.
महाशिवरात्री निमित्त श्री वीरशैव लिंगायत समाज ट्रस्टच्यावतीने कल्लेश्वर मंदिरात विविध कार्यक्रमांचे आयोजन करण्यात आले होते. सकाळी सहा वाजता सर्व श्री रेणू प्रमोद आवटे यांच्या हस्ते प्रथम अभिषेक तर त्यानंतर सामुदायिक अभिषेक घालण्यात आला.
महाशिवरात्रि निमित्त माघ कृष्ण त्रयोदशी, श्रवणनक्षत्र, प्रदोष, शनिवार, गुरु, शुक्र, शनी, मंगळ, रवी हे पाच ग्रह शुभ योगात आहेत. या दृष्टीने ही शिवरात्र उपासना नामस्मरण पारायण केल्यास आरिष्ट निवारक आहे. तर रात्री श्री. कुमार महामुनी (पोतदार) यांचे श्री. शिवलीलामृत पारायण झाले. शिवलीलामृत ग्रंथ पारायणाचे हे २५ वे वर्षे आहे. महाशिवरात्रीनिमित्त येथील कल्लेश्वर मंदिरात दर्शनासाठी सकाळी सहा ते रात्री उशिरापर्यंत महिला व नागरिकांनी मोठी गर्दी केली होती. महिलांनी महादेवाला बेल, फुले, हळदीकुंकू, गेजावस्त्र, उदबत्ती, धूप वाहण्यात आले.
त्यामुळे दिवसभर मंदिर परिसरात भक्तिमय वातावरण होते. मंदिरात भाविकांची गैरसोय होऊ नये म्हणून मंदिराचे अध्यक्ष देवराज मगदूम, माजी उपनगराध्यक्ष दुंडय्या स्वामी, रामचंद्र आंबी, दिलीप मठपती यांनी परिश्रम घेतले.
