परभणी प्रतिनिधी :- मानवत : मानवत पोलीस स्टेशन येथे गुन्हा क्रमांक 68/2026 भारतीय न्यायसंहिता 2023 चे कलम 123, 223, 274, 275, 3(5) अन्वये गुन्हा दाखल करण्यात आला आहे.
या प्रकरणी फिर्यादी म्हणून नारायण शंकरराव घोरपडे (वय 56 वर्षे), ग्रेड पोलीस उपनिरीक्षक, पोलीस ठाणे मानवत, ता. मानवत, जि. परभणी यांनी तक्रार दिली आहे.
आरोपी म्हणून
सर्जेराव प्रल्हादराव शिंदे (वय 46 वर्षे, रा. हत्तलवाडी, ता. मानवत, जि. परभणी)
आवेज खान (रा. पठाण गल्ली, पाथरी)
यांच्याविरुद्ध गुन्हा दाखल करण्यात आला आहे.
ही कारवाई दिनांक 16 फेब्रुवारी 2026 रोजी पहाटे 02.00 वाजण्याच्या सुमारास सार्वजनिक रोडवर, मौजे हत्तलवाडी, ता. मानवत, जि. परभणी (मानवतपासून पूर्वेस सुमारे 7 कि.मी.) येथे करण्यात आली. गुन्हा दिनांक 16 फेब्रुवारी 2026 रोजी सकाळी 08.48 वाजता स्टेशन डायरी क्रमांक 09 प्रमाणे दाखल करण्यात आला.
कारवाईदरम्यान खालील मुद्देमाल जप्त करण्यात आला –
रुपये 7,34,200/- किंमतीचा गुटखा साठा : पांढऱ्या रंगाच्या एकूण 12 बोर्‍या. प्रत्येक बोरीमध्ये 4 थैल्या. प्रत्येक थैलीमध्ये ‘गोवा गुटखा’चे 75 पुडे. अशा एकूण 48 थैल्यांमध्ये 3600 पुडे तसेच एका पांढऱ्या थैलीमध्ये 71 पुडे, एकूण 3671 पुडे. प्रत्येक पुड्याची अंदाजे किंमत 200 रुपये.
रुपये 1,224/- किंमतीचे ‘Director’ लेबल असलेले 4 गुटखा पुडे (प्रत्येकी अंदाजे 306 रुपये).
रुपये 2,160/- किंमतीचे ‘माणिकचंद’ लेबल असलेले 6 गुटखा पुडे (प्रत्येकी अंदाजे 360 रुपये).
रुपये 5,00,000/- किंमतीचे अशोक लेलँड कंपनीचे ‘बडा दोस्त’ नावाचे चारचाकी वाहन (आरटीओ क्रमांक MH 22 AN 3513, जुने वापरते वाहन).
अशा प्रकारे एकूण रुपये 12,37,584/- किंमतीचा मुद्देमाल जप्त करण्यात आला आहे.
विशेष पोलीस महानिरीक्षक यांच्या पथकासह मानवत पोलीस स्टेशनच्या संयुक्त कारवाईत आरोपी क्रमांक 1 याने आरोपी क्रमांक 2 कडून खरेदी केलेले शासनाने प्रतिबंधित तंबाखूजन्य पदार्थ ताब्यात बाळगून विक्रीसाठी वाहतूक करत असल्याचे निदर्शनास आले. तंबाखूजन्य पदार्थ मानवी आरोग्यास घातक असून त्याच्या सेवनामुळे दुर्धर आजार व मृत्यूही होऊ शकतो, याची माहिती असूनही आरोपी जाणीवपूर्वक विक्रीसाठी वाहतूक करत असल्याचे आढळून आले.
याप्रकरणी गुन्हा दाखल करण्यात आला असून पुढील तपास मा. सपोनी बोरकर साहेब यांच्या आदेशानुसार पोलीस उपनिरीक्षक दिगंबर पाटील यांच्याकडे सोपविण्यात आला आहे.
सदर गुन्हा ग्रेड पोलीस उपनिरीक्षक पतंगे (मो. 9764295055) यांनी दाखल केला असून तपास पोलीस उपनिरीक्षक दिगंबर पाटील (मो. 9850550670) करीत आहेत.
