रिसोड वाशिम जिल्हा विद्यार्थी हक्क कृती समितीच्या वतीने रिसोड येथे ८ फेब्रुवारी रोजी विशेष कार्यक्रमाचे आयोजन करण्यात आले होते. या कार्यक्रमात लोकमत समाचारचे रिसोड तालुका प्रतिनिधी युवा पत्रकार केशव गरकळ यांना त्यांच्या उल्लेखनीय पत्रकारिता कार्याबद्दल राज्यस्तरीय शिवछत्रपती प्रेरणा पुरस्कार प्रदान करून सन्मानित करण्यात आले, समाजात उत्कृष्ट कार्य
करणाऱ्या समाजसेवकांनाही शिवछत्रपती प्रेरणा पुरस्कार देऊन गौरविण्यात आले. युवा पत्रकार केशव गरकळ हे मागील अनेक वर्षांपासून पत्रकारितेच्या माध्यमातून समाजातील तळागाळातील लोकांच्या समस्या प्रभावीपणे मांडत
आहेत. आपल्या लेखणीद्वारे सामान्य जनतेचे प्रश्न वर्तमानपत्रातून समोर आणण्याचे महत्त्वपूर्ण कार्य ते सातत्याने करीत आहेत. त्यांच्या या सामाजिक बांधिलकीच्या आणि निःपक्ष पत्रकारितेच्या कार्याची दखल घेत विद्यार्थी हक्क कृती समितीच्या वतीने त्यांना हा राज्यस्तरीय युवा पुरस्कार देऊन सन्मान करण्यात आला. सन्मान स्वीकारताना केशव गरकळ यांनी मनोगत व्यक्त करताना सांगितले की, “हा पुरस्कार माझा वैयक्तिक सन्मान असला तरी तो सर्व पत्रकारांच्या कार्याचा सन्मान आहे.
