मुक्ताईनगर (प्रतिनिधी): सागर नानोटे
शहरातील सामाजिक कार्यात अग्रेसर असलेल्या आरंभ ग्रुपतर्फे अखंड महाराष्ट्राचे आराध्य दैवत छत्रपती शिवाजी महाराज यांच्या जन्मोत्सवानिमित्त निमित्त एक स्तुत्य उपक्रम राबवण्यात आला. सण-उत्सवाच्या काळात मद्यपान किंवा अमली पदार्थांच्या आहारी जाणाऱ्या तरुणाईला योग्य दिशा मिळावी आणि आरोग्याप्रति जागरूकता निर्माण व्हावी, या उद्देशाने शहरात भव्य ‘मोफत दूध वाटप’ कार्यक्रम संपन्न झाला.
आरंभ ग्रुपची सामाजिक बांधिलकी
केवळ उत्सव साजरा न करता, त्यातून समाजाला काहीतरी सकारात्मक देता यावे हा ग्रुपचा नेहमीच प्रयत्न असतो. “आजची तरुणाई व्यसनांच्या आहारी जात असताना, दुधासारख्या आरोग्यदायी पेयाचा प्रचार करणे ही काळाची गरज आहे,” अशी भावना ग्रुपच्या सदस्यांनी यावेळी व्यक्त केली.
कोणताही सामाजिक उपक्रम यशस्वी होण्यामागे त्यामागचे नियोजन आणि कार्यकर्त्यांची मेहनत सर्वात महत्त्वाची असते. मुक्ताईनगर शहरात आरंभ ग्रुप तर्फे राबवण्यात आलेला दूध वाटप उपक्रम यशस्वी करण्यासाठी ग्रुपच्या तरुण कार्यकर्त्यांनी अहोरात्र परिश्रम घेतले. त्यांच्या या सांघिक प्रयत्नांचे संपूर्ण शहरात कौतुक होत आहे.हा उपक्रम यशस्वी करण्यासाठी मयूर यमनेरे, आकाश राजपूत, वैभव यमनेरे, स्वप्निल सोनवणे, रितेश बोदडे, उदय बोदडे, सुनील प्रधान, प्रसाद काळे, योगेश यमनेरे, निखिल झनके, कुणाल बोदडे, ओम बाविस्कर, रोहन माळी, निखिल डोंगरे, मोहित इंगळे, भावेश रायपुरे, सिद्धार्थ सावळे, कार्तिक मगरे, मयूर सुरंगे आणि कृष्णा साळुंके या कार्यकर्त्यांनी विशेष मेहनत घेतली.
