आजरा : प्रतिनिधी,
आजरा हायस्कूल, आजरा येथे छत्रपती शिवाजी महाराज यांची जयंती मोठ्या उत्साहात साजरी करण्यात आली. कार्यक्रमाची सुरुवात छत्रपती शिवाजी महाराज यांच्या मूर्तीपूजनाने झाली. हे पूजन मुख्याध्यापक श्री. अजित तोडकर यांच्या हस्ते करण्यात आले.
यावेळी सौ. विद्या हरेर यांनी छत्रपती शिवरायांचा जीवनपट, शौर्य आणि पराक्रम विद्यार्थ्यांसमोर प्रभावीपणे मांडला. शिवरायांनी दाखवलेली एकता, शौर्य व नीतिमत्ता हीच खरी शक्ती असल्याचे त्यांनी सांगितले.
कार्यक्रमासाठी उपमुख्याध्यापक सौ. एच. एस. कामत, पर्यवेक्षक श्री. ए. आर. व्हसकोटी, शिक्षक, शिक्षकेतर कर्मचारी व विद्यार्थी मोठ्या संख्येने उपस्थित होते.
✅शिवजयंतीनिमित्त विद्यार्थ्यांना शिवविचारांचा संदेश
आजरा हायस्कूल, आजरा येथे आयोजित शिवजयंती कार्यक्रमात विविध वक्त्यांनी विद्यार्थ्यांना शिवविचारांचे महत्व पटवून दिले.
सौ. संजीवनी कुराडे यांनी “रयतेचा राजा कसा असावा” याचे उत्तम उदाहरण छत्रपती शिवाजी महाराज यांच्या कार्यातून स्पष्ट केले. तर सौ. मनीषा कांबळे यांनी धैर्य, संयम व न्याय ही शिवरायांची शिकवण जीवनात अंगीकारण्याचे आवाहन केले.
या कार्यक्रमाचे सूत्रसंचालन सौ. मनीषा कांबळे यांनी केले तर आभारप्रदर्शन सौ. विद्या हरेर यांनी केले. कार्यक्रम उत्साहपूर्ण वातावरणात संपन्न झाला.
✅आजरा हायस्कूलच्या रिया पारपोलकरने साकारली ‘हिरकणी’
मराठा महासंघ आजरा यांच्यावतीने आयोजित शिवजयंती कार्यक्रमात शिवतीर्थ येथे विविध सांस्कृतिक कार्यक्रमांचे आयोजन करण्यात आले होते.
या कार्यक्रमात आजरा हायस्कूलची विद्यार्थिनी कुमारी रिया संतोष पारपोलकर हिने छत्रपती शिवाजी महाराजांच्या काळातील हिरकणी ही व्यक्तिरेखा अत्यंत प्रभावीपणे साकारली. तिच्या या अभिनयासाठी शाळेतील शिक्षक श्री. व्ही. ए. पोतदार यांचे मार्गदर्शन लाभले.
उत्कृष्ट सादरीकरणाबद्दल मराठा महासंघाच्या पदाधिकाऱ्यांच्या हस्ते रियाला आकर्षक सन्मानचिन्ह व रोख पारितोषिक प्रदान करण्यात आले. यावेळी तालुकाध्यक्ष श्री. बंडोपंत चव्हाण, श्री. मारुती मोरे, श्री. संभाजी इंजल, सौ. ज्योत्सनाताई चराटी पाटील, श्री. राजू होलम यांच्यासह अनेक शिवप्रेमी उपस्थित होते.
