सोलापूर – भारतीय जनता पक्ष सोलापूर शहराध्यक्ष रोहिणी तडवळकर यांनी स्वीकृत नगरसेवक पदासाठी अर्ज दाखल केला आहे.
सोलापूर शहराध्यक्षपदासारखी महत्त्वाची जबाबदारी सांभाळत असतानाही त्यांनी स्वीकृत नगरसेवक होण्याची इच्छा व्यक्त करत अर्ज सादर केल्याने राजकीय वर्तुळात चर्चा सुरू झाली आहे.
याबाबत अधिक माहिती अशी की, शहराध्यक्ष पदावर कार्यरत असताना देखील स्थानिक स्वराज्य संस्थेत थेट सहभाग घेऊन काम करण्याच्या उद्देशाने त्यांनी हा अर्ज दाखल केल्याचे समजते. यामुळे पक्षांतर्गत आणि शहरातील राजकीय घडामोडींना वेग येण्याची शक्यता व्यक्त केली जात आहे.
