शिरुर, प्रतिनिधी :
हिंदवी स्वराज्याचे संस्थापक छत्रपती शिवाजी महाराज यांच्या जयंतीनिमित्त हुडको कॉलनी, शिरुर येथे यावर्षीही शिवजयंती उत्सव मोठ्या उत्साहात आणि शिवमय वातावरणात साजरा करण्यात आला. युवा सेना मित्र मंडळ, हुडको कॉलनी यांच्या वतीने आयोजित या कार्यक्रमाला नागरिकांचा उत्स्फूर्त प्रतिसाद लाभला.
सायंकाळी ०६:०० वाजता महाराजांची महाआरती पार पडली. त्यानंतर शिवमय वातावरणात आणि जयघोषात महाराजांची भव्य मिरवणूक संपूर्ण हुडको वसाहतीत काढण्यात आली. प्रत्येक गल्लीतून फुलांचा वर्षाव करून मिरवणुकीचे जल्लोषात स्वागत करण्यात आले.
✨ मान्यवरांची उपस्थिती
या कार्यक्रमास शिरुर नगरपरिषदेचे नगरसेवक सागर नरवडे, नगरसेवक उमेश शेळके, भुषण रणदिवे, ऋषी घोगरे, तसेच सुवर्णयुगचा राजा मित्र मंडळाचे अध्यक्ष शैलेश जाधव,उपाध्यक्ष ओंकार भोसले आदी मान्यवर उपस्थित होते. मान्यवरांनी आयोजकांचे कौतुक करून शुभेच्छा दिल्या.
🌸 दिपाली कुर्हे मॅडम यांची पायी यात्रा
हुडको वसाहतीतील दिपाली कुर्हे मॅडम यांनी आपल्या क्लासमधील लहान मुलांसमवेत महाराजांची पायी यात्रा वसाहतीतून काढली.
“छत्रपती शिवाजी महाराज की जय”
“तुमचं आमचं नातं काय? जय जिजाऊ, जय शिवराय!”
या जयघोषांनी संपूर्ण परिसर दुमदुमून गेला आणि वातावरण शिवमय झाले.
लहान चिमुकल्यांनी शिवाजी महाराजांच्या गाण्यांवर आकर्षक नृत्य सादर केले. या पदयात्रेला शिरुर नगरीच्या प्रथम नागरिक सौ. ऐश्वर्या अभिजीत पाचर्णे यांनी भेट देऊन मुलांचे कौतुक केले व शुभेच्छा दिल्या.
🌺 महिला मंडळाचा सहभाग
सुवर्णयुगचा राजा मित्र मंडळ येथे महिला मंडळ अध्यक्षा दिपाली चौधरी यांनी गणपती मंदिरामध्ये गणरायाच्या भव्य मूर्तीसमवेत महाराजांच्या प्रतिमेला पुष्पहार अर्पण करून विधिवत आरती केली. महिलांच्या सहभागामुळे उत्सव अधिक भक्तिमय झाला.
🌟 चिमुकल्यांची प्रेरणादायी परंपरा
प्रारंभी छोट्या स्वरूपात सुरू झालेला हा उत्सव पुढे जाऊन “युवा सेना शिव जयंती उत्सव, हुडको कॉलनी, शिरुर” या नावाने ओळखला जाऊ लागला. कार्यक्रमाचे नियोजन प्रामुख्याने आशिष मुथा, रुद्र पटवेकर, ऋषी आहीरे, ओम लोखंडे, आरकान पठाण, आयान शेख, आरुष पांढरकामे, स्वरूप गरड, आर्यन मोरे, विराज कांबळे, रोहन गरड, साई व्यवहारे, सात्विक दातखिळे,यशराज पंडीत ,आदि बोरा या मित्रांनी एकत्र येऊन केले. त्यांना छायाताई पटवेकर यांची खंबीर साथ लाभली.
उत्सवाचे काटेकोर नियोजन, शिस्तबद्ध मिरवणूक आणि सर्वांचा उत्स्फूर्त सहभाग यामुळे हुडको वसाहतीतील वातावरण पूर्णतः शिवमय झाले होते. नागरिकांनी या उपक्रमाचे मनापासून कौतुक करत, “हीच खरी शिवरायांची शिकवण!” असे गौरवोद्गार काढले.
🚩 जय भवानी! जय शिवाजी! 🚩
