सोलापूर – राज्यभरात छत्रपती शिवाजी महाराज यांची शिवजयंती उत्साहात साजरी होत असताना जिल्हा कौशल्य विकास, रोजगार व उद्योजकता मार्गदर्शन केंद्र, सोलापूर येथे शिवजयंती साजरी करण्यात आली नसल्याचा आरोप सामाजिक कार्यकर्त्यांनी केला आहे.
या संदर्भात सहाय्यक आयुक्त संगिता खंदारे यांना जाब विचारण्यासाठी काही युवक कार्यालयात गेले असता त्यांच्यात वाद झाल्याची माहिती समोर आली आहे. युवकांनी अधिकाऱ्यांनी आरेरावीची भाषा वापरून कार्यालयातून बाहेर जाण्यास सांगितल्याचा आरोप केला आहे.
दरम्यान, संबंधित अधिकाऱ्यांनीही आपल्याविरोधातील आरोप फेटाळले असून प्रकरणाबाबत आवश्यक ती कारवाई करण्याचा इशारा दिल्याचे सांगितले जाते.
या घटनेनंतर काही युवकांनी संबंधित अधिकाऱ्यांवर कारवाईची मागणी केली असून प्रकरणामुळे शहरात चर्चेला उधाण आले आहे.
