सोलापूर – सोलापूर महानगरपालिकाच्या नवीन टर्ममधील पहिली सर्वसाधारण सभा शुक्रवार, दि. २० फेब्रुवारी रोजी सकाळी ११ वाजता आयोजित करण्यात आली आहे. या सभेत १० स्वीकृत सदस्य, स्थायी समितीचे १६ सदस्य तसेच परिवहन समितीच्या १२ सदस्यांची नियुक्ती केली जाणार आहे.
सत्ताधारी भारतीय जनता पक्षकडे या सर्व पदांसाठी इच्छुकांची संख्या मोठी असल्याने सदस्य निवड करताना पक्ष नेतृत्वापुढे आव्हान उभे राहिले आहे.
तीनही महत्त्वाच्या समित्यांवरील सदस्यपदाची संधी नेमकी कोणाला मिळणार, याकडे राजकीय वर्तुळासह शहरवासीयांचे लक्ष लागले आहे.
