महापालिकेच्या निवडणूका आणि त्यापाठोपाठ जिल्हा परिषद आणि पंचायत समित्यांच्या निवडणुकीच्या काळामध्ये आदर्श आचारसंहिता जिल्ह्याभरात काटेकोर राबवली गेली या दरम्यान राज्य उत्पादन शुल्क विभागाने महापालिका क्षेत्राबरोबर जिल्हाभरात आपल्या भरारी पथकांद्वारे आणि मिरज सांगली निरीक्षकांनी आपल्या सहकारी कर्मचाऱ्यांबरोबर राबवलेल्या विशेष मोहिमेमध्ये आज तागायत ३०४ गुन्हे नोंदवले गेले असून या गुन्ह्यांमध्ये ३२३ संशयितांना अटक करण्यात आल्याचे राज्य उत्पादन विभागाचे जिल्हा अधीक्षक प्रदीप पोटे यांनी आमच्या प्रतिनिधींशी बोलताना सांगितले ते म्हणाले कि आचारसंहिता काळामध्ये आमच्या संपूर्ण टीम ने चांगली कामगिरी बजावली मिरज निरीक्षक सांगली निरीक्षक आणि भरारी पथकाचे निरीक्षक यांनी आपापल्या कार्यक्षेत्रामध्ये उत्तम कामगिरी करत अवैध मद्य वाहतूक तसेच इतर राज्यातून सांगली जिल्ह्यात अवैध पद्धतीने गोवा मेड विदेशी मद्यावर अंकुश ठेवण्यात यश आले आहे. आम्ही सध्या जिल्ह्यातील मोठ्या प्रमाणावर सुरु असलेल्या ब्लॅक स्पॉट वर काम करत असून ढाबे आणि हॉटेल्स मध्ये बसून अवैध पद्धतीने विना परवाना मद्यपान करणाऱ्या व्यक्ती तसेच त्या हॉटेल्स किंवा ढाबा चालकांवर कारवाई सुरु आहे. त्याचप्रमाणे विविध वाईन शॉप मधून विक्री होणाऱ्या मद्य विक्री चे रजिस्ट्रार अद्ययावत आणि अचूक ठेवण्यावर सध्या आमच्या निरीक्षकांना सूचना दिल्या आहेत. त्याप्रमाणे जिल्ह्यातील सर्व वाईन शॉप आणि परमिट रूम मधील मद्य विक्री ची नोंद अद्ययावत आणि अचूक आहे का याची तपासणी सुरु आहे. साधारण १५ डिसेंबर ते ९ फेब्रुवारी या काळामध्ये परराज्यातील ९ गुण्यांची नोंद करण्यात आली १९ आरोपीना अटक करण्यात आली आणि सुमारे २९.८० लाखांचा मुद्देमाल जप्त करण्यात आला आहे. .
