दहावीच्या परीक्षा शांततेत व सुरळीत सुरू

परभणी प्रतिनिधी : रमेश मुलगीर
महाराष्ट्र राज्य माध्यमिक व उच्च माध्यमिक शिक्षण मंडळ (S.S.C.) संभाजीनगर विभागाची दहावी बोर्ड परीक्षा आज दिनांक २० फेब्रुवारी २०२६ पासून सुरू झाली आहे. मानवत तालुक्यातील तिन्ही परीक्षा केंद्रांना भेट दिली असता परीक्षा पूर्णतः शांततेत व सुव्यवस्थित पद्धतीने सुरू असल्याचे दिसून आले.
मानवत तालुक्यात एकूण तीन परीक्षा केंद्रे आहेत –
केंद्र क्रमांक ४२७६ – नेताजी सुभाष माध्यमिक व उच्च माध्यमिक विद्यालय, मानवत
केंद्र क्रमांक ४२७७ – श्रीमती शकुंतलाबाई कांचनराव विद्यालय, मानवत
केंद्र क्रमांक ४३११ – जिल्हा परिषद प्रशाला, कोल्हा
तिन्ही केंद्रांवर कडेकोट सुरक्षा व्यवस्था ठेवण्यात आली आहे. पोलीस बंदोबस्त तैनात करण्यात आला असून परीक्षार्थ्यांसाठी आवश्यक सर्व सुविधा उपलब्ध करून देण्यात आल्या आहेत. बैठक व्यवस्था समाधानकारक असल्याचे दिसून आले. प्रत्येक वर्गखोलीत दोन-दोन सीसीटीव्ही कॅमेरे बसविण्यात आले आहेत. सर्व केंद्रांवर परीक्षा शांततेत सुरू असून कोणत्याही प्रकारचा अनुचित प्रकार आढळून आलेला नाही.
केंद्र क्रमांक ४२७६ – नेताजी सुभाष विद्यालय, मानवत
या केंद्रावर केंद्रप्रमुख म्हणून संजय लाड सर कार्य पाहत आहेत. त्यांना सहाय्यक म्हणून गणेश सिरसकर सर व बी. जे. झोल (बंडे सर) सहकार्य करत आहेत.
या केंद्रावर एकूण ५३१ विद्यार्थी नोंदणीकृत आहेत.
मराठी माध्यम – ५०७ पैकी ५०१ उपस्थित, ६ अनुपस्थित.
उर्दू माध्यम – २४ पैकी सर्व २४ विद्यार्थी उपस्थित.
केंद्र क्रमांक ४२७७ – श्रीमती शकुंतलाबाई कांचनराव विद्यालय, मानवत
या केंद्रावर केंद्र संचालक म्हणून कजेवाड सर कार्य पाहत आहेत. त्यांना पतंगे सर, जोशी सर व लोखंडे सर सहकार्य करत आहेत.
या केंद्रावर एकूण ५२१ विद्यार्थी नोंदणीकृत आहेत.
मराठी माध्यम – ५१५ उपस्थित, ६ अनुपस्थित.
उर्दू माध्यम – ४९ पैकी सर्व ४९ विद्यार्थी उपस्थित.
केंद्र क्रमांक ४३११ – जिल्हा परिषद प्रशाला, कोल्हा
या केंद्रावर केंद्रप्रमुख म्हणून तांबे पी. टी. कार्य पाहत असून त्यांना जैस्वाल सर सहकार्य करत आहेत.
या केंद्रावर एकूण २१९ विद्यार्थी नोंदणीकृत होते आणि सर्व २१९ विद्यार्थी परीक्षेस उपस्थित राहिले.
तिन्ही केंद्रांवर कडेकोट बंदोबस्त ठेवण्यात आला असून परीक्षा पूर्णतः शांततेत व सुरळीत पार पडत असल्याचे दिसून आले. तसेच PSI खिल्लारे साहेब यांनी प्रत्यक्ष भेट देऊन परिस्थितीची पाहणी केली व कडक नजर ठेवून बंदोबस्त अधिक मजबूत केला.