परळी वैजनाथ: इराणचे सर्वोच्च नेते अयातुल्ला अली खामेनाई यांचे अमेरिका आणि इस्रायलच्या हल्ल्यात निधन झाल्याच्या वृत्तानंतर परळी शहरात संतापाची लाट उसळली आहे. या घटनेचा निषेध नोंदवण्यासाठी परळीतील स्थानिक समाज बांधवांनी शहरातून भव्य निषेध रॅली काढली.इराणी वस्ती परिसरातून या रॅलीला सुरुवात झाली. यावेळी उपस्थित समाज बांधवांनी अमेरिका आणि इस्रायल विरोधी जोरदार घोषणाबाजी केली. या रॅलीमध्ये स्थानिक धर्मगुरू देखील मोठ्या संख्येने सहभागी झाले होते. रॅलीच्या शेवटी झालेल्या सभेत धर्मगुरूंनी खामेनाई यांच्या कार्याचा गौरव केला. त्यांच्या मृत्यूला ‘शहादत’ (हुतात्मा) असे संबोधित करत, जागतिक स्तरावर त्यांनी मांडलेल्या विचारांची दखल घेतली.पोलिसांच्या चोख बंदोबस्तात ही रॅली अत्यंत शांततेत पार पडली. या रॅलीच्या माध्यमातून स्थानिक नागरिकांनी आपल्या तीव्र भावना प्रशासनापर्यंत पोहोचवल्या आहेत.
