शिरसाळा (प्रतिनिधी):बीड जिल्ह्यातील शिरसाळा येथे पोलिसांनी गुन्हेगारांविरुद्ध कडक पवित्रा घेत एका आरोपीची भररस्त्यात धिंड काढली आहे. आठवडी बाजारामध्ये एका ७० वर्षीय वृद्ध महिलेला लुटल्याप्रकरणी ही कारवाई करण्यात आली असून, पोलिसांनी दाखवलेल्या या ‘खाकी’च्या इंगाची परिसरात जोरदार चर्चा होत आहे.नेमकी घटना काय?मिळालेल्या माहितीनुसार, शिरसाळा येथील आठवडी बाजारात गंगुबाई मोरे या ७० वर्षीय वृद्ध महिला आल्या होत्या. यावेळी दोन चोरट्यांनी त्यांना लक्ष्य करून त्यांची लूटमार केली. ऐन गर्दीच्या ठिकाणी वृद्धाला लुटल्यामुळे नागरिकांमध्ये भीतीचे आणि संतापाचे वातावरण निर्माण झाले होते.पोलिसांची तत्पर कारवाईघटनेची माहिती मिळताच शिरसाळा पोलिसांनी तपासाची चक्रे वेगाने फिरवली. तांत्रिक तपास आणि गुप्त माहितीच्या आधारे पोलिसांनी एका आरोपीला तातडीने बेड्या ठोकल्या. गुन्हेगारांवर वचक बसवण्यासाठी पोलिसांनी पकडलेल्या आरोपीची भररस्त्यातून धिंड काढली.दुसऱ्या आरोपीचा शोध सुरूया गुन्ह्यात दोन आरोपींचा समावेश होता. त्यापैकी एकाला अटक करण्यात आली असून, दुसरा आरोपी सध्या फरार आहे. फरार आरोपीचा पोलीस कसून शोध घेत असून लवकरच त्यालाही जेरबंद केले जाईल, असा विश्वास पोलीस प्रशासनाने व्यक्त केला आहे.शिरसाळा पोलिसांच्या या धडाकेबाज कामगिरीमुळे सामान्य नागरिकांनी सुटकेचा निश्वास टाकला असून, “गुन्हेगारांना आता पळता भुई थोडी होईल” अशा प्रतिक्रिया उमटत आहेत.
