वैजापूर (प्रतिनिधी):
वैजापूर तालुक्यातील धोंदलगाव विविध कार्यकारी सेवा सहकारी सोसायटीच्या चेअरमनपदी विष्णुदादा पानसरे तर व्हा.चेअरमनपदी सौ. सविताताई भाऊसाहेब आव्हाळे यांची बिनविरोध निवड करण्यात आली.
या निवडीच्या प्रसंगी वैजापूर तालुका सहाय्यक निबंधक किरणजी चौधरी, संस्थेचे माजी चेअरमन कवरभाऊ बैनाडे, बाळासाहेब पाटील आवारे, माजी व्हा. चेअरमन नरसींग काका जारवाल, मधुकर आण्णा शिंदे, एकनाथ मामा ठोकळ, संचालक भारतीताई ठोंबरे, वसंत काका वाघ, आशोकभाऊ पानसरे, माजी संचालक बंडु आप्पा वाघ तसेच धोंदलगावचे माजी सरपंच पानसरे, आवारे, सोळस, वाघ, ढंगारे यांच्यासह संभाजीनगर येथील के. डी. दादा आवारे, सुभाष काका वाघ, माजी पंचायत समिती सदस्य राजेंद्र पाटील वाघ आणि ग्रामस्थ मोठ्या संख्येने उपस्थित होते.
या निवडणुकीत निवडणूक निर्णय अधिकारी म्हणून ओमकार देवापुरे यांनी काम पाहिले. त्यांना संस्थेचे सचिव डी. एस. वाघ व सुजित वाघ यांनी सहकार्य केले. नव्याने निवड झालेल्या पदाधिकाऱ्यांचे ग्रामस्थांनी अभिनंदन केले.
