महेश दिलीप साळुंखे यांची पीएसआय पदी निवड झाल्याने प्राथमिक व माध्यमिक आश्रम शाळेच्या वतीने सत्कार समारंभ संपन्न…
प्रतिनिधी :-दरिकांत कोळेकर. सारथी महाराष्ट्राचा न्युज.
कुरुंदवाड :-तेरवाड येथील ज्ञानभारती एज्यूकेशन सोसायटी कुरुंदवाड,संचलित प्राथमिक व माध्यमिक आश्रम शाळा तेरवाड चा माजी विद्यार्थी चिरंजीव महेश दिलीप साळुंखे यांचे सहाय्यक पोलीस निरीक्षक पदी निवड झाल्याबद्दल शाळेच्या वतीने मुख्याध्यापक श्री बाबासाहेब यशवंत तिबिले यांच्या हस्ते सत्कार करण्यात आला,
सत्कार ला उत्तर देताना महेश यांनी आपण कसे यश मिळवले त्यावरती भाष्य केले” जिद्द आणि कठोर परिश्रम केले की यश प्राप्त होते तसेच मी केले . माझी परिस्थिती हालाखीचे असल्यामुळे मी प्रथम पासून ठरवले होते की परिस्थितीवर मात करत आपण एमपीएससीचा अभ्यास पूर्ण करायचा. आपल्या शाळेबद्दलही व शिक्षकांबद्दल गौरव उद्गार काढले माझे पहिले भाषण या शाळेत झाले होते व मी पीएसआय झाल्यावर ही माझे भाषण या शाळेत झाले त्याचा मला अभिमान वाटतो. सर्व विद्यार्थ्यांना जीवनात चांगलं यश मिळायचं असेल तर कष्टाशिवाय पर्याय नाही असे सांगितले, “अतिशय खडतर परिस्थितीमध्ये शिक्षण पूर्ण केले व नोकरी करत करत स्पर्धा परीक्षेची तयारी करून त्यामध्ये यश संपादन करून पीएसआय पदी निवड झाली,महेश साळुंखे यांचे सर्वत्र कौतुक केले जात आहे,
इयत्ता पहिली ते सातवी पर्यंत शिक्षण आमच्या प्राथमिक व माध्यमिक आश्रम शाळेमध्ये झाले असून पहिल्या पासून शांत व हुशार असायचा,
कार्यक्रमाचे प्रास्ताविक मुख्याध्यापक, श्री. बाबासाहेब यशवंत तिबिले यांनी केले. सूत्रसंचालन शाळेच्या सहाय्यक शिक्षिका सौ,सुनिता आनंदराव शिंदे यांनी केले. तर आभार श्री,सहदेव बाबू डंबाळ सर यांनी मानले .
