सांगली जिल्हा प्रतिनिधी :नितीन बदडे 9881887717
आज जत येथे महाराष्ट्र शासन, सांगली जिल्हा कृषी विभाग आयोजित भव्य कृषी प्रदर्शनाचा उद्घाटन सोहळा मोठ्या उत्साहात संपन्न झाला.
यावेळी विविध कृषी तंत्रज्ञान व कृषी यंत्रांच्या स्टॉलना भेट दिली. यावेळी स्टॉलधारकांचे कौतुक करत आधुनिक तंत्रज्ञानाच्या माध्यमातून शेती अधिक सक्षम करण्याबाबत माहिती जाणून घेतली.या प्रसंगी उपस्थित शेतकरी बांधवांशी संवाद साधत त्यांच्या अडचणी, अपेक्षा आणि शेतीसंदर्भातील विविध विषयांवर चर्चा केली.
यावेळी प्रांताधिकारी, तहसीलदार, जिल्हा कृषी अधिकारी, तालुका कृषी अधिकारी, उपविभागीय कृषी अधिकारी, जिल्हा परिषद सदस्य, पंचायत समिती सदस्य, नगरसेवक तसेच मोठ्या संख्येने शेतकरी बांधव उपस्थित होते.
याच कार्यक्रमात पंचायत समिती कृषी विभागामार्फत जत तालुक्यातील शेतकऱ्यांना शासनाच्या अनुदान (सबसिडी) योजनेअंतर्गत ट्रॅक्टर, कृषी अवजारे व मळणी यंत्र अशा विविध साधनांचा लाभ देण्यात येत असून सुमारे १००० शेतकऱ्यांना या योजनेचा लाभ मिळाला आहे. त्यापैकी १०० ट्रॅक्टरचे सबसिडी प्रमाणपत्र शेतकरी बांधवांना वितरित करण्यात आले.
शेती अधिक आधुनिक, उत्पादनक्षम आणि शेतकरी अधिक सक्षम व्हावा, यासाठी शासन सातत्याने प्रयत्नशील आहे.
