बारामती:- बारामती पंचायत समितीच्या सभापती व उपसभापती पदासाठी झालेल्या निवड प्रक्रियेत सभापतीपदी श्री. किरण तावरे तर उपसभापतीपदी सौ. शुभांगी सुनील आगवणे यांची निवड करण्यात आली. निवडीनंतर पंचायत समिती परिसरात कार्यकर्त्यांनी जल्लोष करत नव्या पदाधिकाऱ्यांचे अभिनंदन केले.
सभापतीपदी निवड झाल्यानंतर श्री. किरण तावरे यांनी पंचायत समितीच्या माध्यमातून ग्रामीण भागातील विकासकामांना प्राधान्य देणार असल्याचे सांगितले. तसेच उपसभापती सौ. शुभांगी सुनील आगवणे यांनी सर्व सदस्यांना सोबत घेऊन जनतेच्या अपेक्षा पूर्ण करण्यासाठी काम करणार असल्याची भावना व्यक्त केली.
या निवडीनंतर विविध राजकीय व सामाजिक क्षेत्रातील मान्यवरांनी नवनिर्वाचित सभापती व उपसभापती यांचे अभिनंदन करून पुढील कार्यकाळासाठी शुभेच्छा दिल्या. पंचायत समितीच्या माध्यमातून तालुक्यातील विकासकामांना गती मिळेल, अशी अपेक्षा व्यक्त करण्यात येत आहे.
