🟣 व्यंकटराव शिक्षण संकुलात जागतिक महिला दिन उत्साहात साजरा🔶 क्रांतीज्योती सावित्रीबाई फुले यांना अभिवादन; शिक्षिकांचा सन्मान, विद्यार्थ्यांच्या सादरीकरणाला दाद

आजरा : सारथी न्यूज

येथील व्यंकटराव शिक्षण संकुलामध्ये जागतिक महिला दिन उत्साहपूर्ण वातावरणात साजरा करण्यात आला. कार्यक्रमाची सुरुवात क्रांतीज्योती Savitribai Phule यांच्या प्रतिमेचे पूजन करून झाली. प्रशालेचे प्राचार्य श्री. एम. एम. नागुर्डेकर व पर्यवेक्षिका सौ. व्ही. जे. शेलार यांच्या हस्ते प्रतिमापूजन करण्यात आले.
यानंतर व्यंकटराव प्रशालेतील सर्व शिक्षिकांचा सन्मान करण्यात आला. कार्यक्रमादरम्यान विद्यार्थ्यांनीही आपले विचार मांडत महिला दिनाचे महत्त्व अधोरेखित केले. रिया पाईम व यशराज पोतदार या विद्यार्थ्यांनी प्रेरणादायी मनोगत व्यक्त केले.
महान स्त्रियांच्या व्यक्तिरेखा साकारत अक्षरा हरेर, सान्वी केसरकर, स्नेहल पाटील, जान्हवी पाटील व सांची जाधव या विद्यार्थिनींनी प्रभावी सादरीकरण केले. त्यांच्या अभिनयाचे उपस्थितांकडून विशेष कौतुक करण्यात आले.
कार्यक्रमाचे सूत्रसंचालन वेदिका खोराटे व तनया मिसाळ यांनी केले. कार्यक्रमाचे आयोजन इयत्ता आठवीच्या वर्गशिक्षक व विद्यार्थीनींनी केले होते. कार्यक्रमास शिक्षक, शिक्षिका व विद्यार्थी मोठ्या संख्येने उपस्थित होते.