साने गुरुजी विद्यालयात आंतरराष्ट्रीय महिला दिन साजरा…….
प्रतिनिधी :- दरिकांत कोळेकर. सारथी महाराष्ट्राचा न्युज.
कुरुंदवाड :-येथील साने गुरुजी विद्यालय कुरुंदवाड मध्ये सोमवार ता. 09/ 03/ 2026 रोजी आंतरराष्ट्रीय महिला दिन साजरा करण्यात आला .या कार्यक्रमाचे अध्यक्ष पद साने गुरुजी शिक्षण संस्थेच्या सदस्या सौ.दिपाली अजित पाटील यांनी भूषविले. प्रमुख पाहुण्या म्हणून आपल्या विद्यालयाच्या माजी विद्यार्थिनी डॉक्टर भक्ती दिवटे, व अँड.सम्यक ता.शिरगुप्पे यांना आमंत्रित केले होते .या कार्यक्रमा साठी विविध समित्यांमधील महिला सदस्या उपस्थित होत्या. कार्यक्रमांमध्ये सावित्रीबाई फुले, राजमाता जिजाऊ, पुण्यश्लोक अहिल्याबाई होळकर यांच्या प्रतिमेस पुष्पहार अर्पण करून प्रतिमा पूजन केले.विद्यालयाच्या ज्येष्ठ सहाय्यक शिक्षिका सौ एम.एन. पाटील यांनी स्वागत व प्रास्ताविक केले व सौ पी.आर.पाटील यांनी पाहुण्यांचा परिचय करून दिला.विद्यालयातील शिक्षिका, महिला शिक्षकेतर कर्मचारी,पोषण आहार बनविणाऱ्या बचत गटातील महिला यांचा सत्कार करण्यात आला .त्यानंतर शाळेतील काही विद्यार्थी -विद्यार्थिनींनी महिला दिनानिमित्त आपले मनोगत व्यक्त केले. काही मुलींनी चारोळ्या म्हणून दाखवल्या. डॉक्टर भक्ती दिवटे यांनी महिलांच्या आरोग्याविषयी माहिती दिली.
तसेच ॲड.सम्यक ता.शिरगुप्पे महिलांच्या करिता असलेले कायदे याविषयी माहिती दिली.यावेळी विद्यालयाचे मुख्याध्यापक , शिक्षक – शिक्षकेतर कर्मचारी यांनी यांनी सर्व महिलांना महिला दिनाच्या शुभेच्छा दिल्या.
शेवटी सौ वैशाली पाटील यांनी सर्वांचे आभार व्यक्त केले.या कार्यक्रमाचे सुसूत्र व नेटके नियोजन विद्यालयाच्या ज्येष्ठ सहाय्यक शिक्षिका सौ दिवटे ए. आर. यांनी केले.यावेळी विद्यालयातील सर्व विद्यार्थी, विद्यार्थिनींना, शिक्षक, शिक्षकेतर कर्मचारी उपस्थित होते. कार्यक्रमाची सांगता वंदेमातरम या गीताने झाली.
